Robert Levandovski WhoScored reytingi bo'yicha kuchli beshlik chempionatlaridagi eng zo'r o'yinchi

"Bavariya" klubi hujumchisi Robert Levandovski yana bir reytingda eng yuqori o'rinda qayd etildi. Sport statistikasi bo'yicha etakchilardan biri bo'lgan WhoScored nashri 2021 yildagi kuchli beshlik chempionatlaridagi eng kuchli futbolchilarni taqdim qildi. Ushbu reytingda 8,08 ball bilan Robert Levandovski tengsiz deb topildi.  Keyingi o'rinlar quyidagicha ko'rinish olgan: 2.Muhammad Saloh – 7,89 («Liverpul», APL), 3.Kilian Mbappe – 7,80 (PSJ, Liga 1), 4.Karim Benzema – 7,75 («Real Madrid», La Liga), 5.Xakan CHalxanoglu – 7,48 («Milan» / «Inter», Seriya A).