Farg'onada yil yakunlariga bag'ishlangan tadbir bo'lib o'tdi. Marosimga futbol klublari matbuot xizmatlari taklif etilmadi

Tadbirda davomida viloyat hokimi Xayrulla Bozorov tomonidan Farg'ona viloyatida jismoniy tarbiya va sportni rivojlantirishdagi xizmatlari uchun viloyat futbol associaciyasi birinchi vice-prezidenti Nosir Otaqo'ziev hamda "Neftchi" bosh murabbiyi Ilhom Mo'minjonovlar faxriy yorliq va maxsus sovrin bilan taqdirlandilar.

Viloyat hokimi Xayrulla Bozorov chindan ham futbolsevar inson. U kishi Farg'onaga rahbar bo'lib kelganlaridan so'ng viloyatning bosh jamoasi - "Neftchi" yana Superligaga qaytdi. SHuningdek, olib borilgan tizimli va samarali islohotlar negizida Oltiariqning "Do'stlik" klubi Birinchi ligaga o'tish o'yinlarida g'oliblikni qo'lga kiritdi. Endilikda Farg'onada oz emas, ko'p emas naq 5 ta ("Istiqlol" klubi yangi mavsumdan Birinchi ligada ishtirok etadi deb aytilgan va rasman tasdiqlanmagan malumotlarni inobatga olsak) klub O'zPFL bayrog'i ostidagi musobaqalarda ishtirok etadi - "Neftchi", "Qo'qon-1912", "Turon", "Do'stlik" va "Istiqlol". Bu o'z navbatida Farg'onada futbolning rivojlanayotgani, futbol klublariga bo'lgan etiborning yanada kuchaytirilganidan dalolat beradi. Barchasini ko'rib va tushunib turgan O'FA va O'zPFL ham bejizga viloyat hokimini maxsus "Futbol rivoji uchun" sovrini bilan taqdirlagani yo'q.

Albatta, ushbu yutuqlarning samarali natijasi yuzasidan viloyat tizimida o'zining fidokorona xizmatlarini ayamagan bir qator mutasaddilar bor-ki, ularni alohida etirof etmaslikning iloji yo'q. Jumladan turizm va sport masalalari bo'yicha viloyat hokimi o'rinbosari Xurshid Ahmedov va viloyat futbol associaciyasi birinchi vice-prezidenti Nosir Otaqo'zievlarni joriy mavsum mavsum o'tkazilgan barcha musobaqalarda shaxsan o'zim elib-yugurib mehnat qilganliklariga guvoh bo'ldim. Yutuqlar, qo'lga kiritilgan samarali natijalar o'z-o'zidan kelmaydi, albatta yutuqlar uchun biz tilga olgan insonlar kabi mutasaddilarning fidokorona mehnati yotadi.

Yuqorida aytib o'tganimizdek, bugun Farg'onada yil yakunlariga bag'ishlangan nufuzli tadbir tashkil etildi. Mazkur tadbirdan olingan fotosuratlardan ham ko'rib turibsiz, Farg'onada tashkil etilgan har bir marosim o'zgacha ishtiyoq va alohida etibor bilan tashkil etiladi. Lekin bugungi tadbirda hech bir klub matbuot xizmati vakillari (barcha klublar bilan bog'lanib malumot olindi) ishtiroki taminlamadi. Bunga nima sabab bo'lgan, balki futbol klublarning mazkur marosim haqida xabardorligi bo'lsa ham, matbuot xizmatlariga etkazmagandir. Biz hozircha shu kabi taxminlar bilan cheklanishimiz mumkin, bu erda viloyat mutasaddilariga bog'liq bo'lmagan xolda quyi tizimda qandaydir muammolar bordek ko'rinmoqda. Ammo viloyat miqyosida shu kabi tadbir tashkillanib viloyat futboliga oid xabarlarni birinchilardan bo'lib etkazib boruvchi matbuot xizmatlari xabar topmasa, bu kishini xayron qoldirmasdan qolmaydi. SHuningdek, yuqoridagilar qatori biz ham ushbu tadbir haqida eshitmadik, vaholanki xabar topsak saytimiz o'quvchilari uchun marosim haqida alohida material tayyorlashga imkonimiz bor edi.

Bekzod Tolibov