"SHerlar" joriy mavsumda yana bir bor Superligada chempionlik shoxsupasiga ko'tarildi. Yil yakunlariga bag'ishlangan taqdirlash marosimida bosh murabbiy Piter Xyuistra Superliganing "eng yaxshi murabbiyi" sifatida etirof etilgan bo'lsa, Dragan CHeran "eng yaxshi to'purar" sovriniga loyiq ko'rildi. Ayni payt ular o'z yurtlarida ekanligi bois sovrinni klub vakillari qabul qilib olishdi. Taqdirlashdan so'ng "Paxtakor" sport direktori Jafar Irismetov fikrlarini bildirib o'tdi.
"Nomzodlar orasida ko'rsatilgan uchta murabbiy ham mazkur sovringa munosib edi, deb o'ylayman. Balki O'zbekiston chempionligi kubokdan ustunroq hisoblangandir. Ovoz berganlarga rahmat aytib qolaman. O'ylashimcha haqqoniy bo'ldi",- deydi Jafar Irismetov.
- Piter Xyuistra mavsum davomida o'zining bir qator etirozlarini bildirib o'tdi. Xususan maydon haqida keskin gaplarni aytdi. Uning klubdagi kelajagi borasida yangilik bormi?
- Menimcha Piter Xyuistra bilan hamkorlikni keyingi yil ham davom ettiramiz. Lekin tanqidlarini asosli, deb bilaman. Maydonlarimiz talabga javob bermaydi. Agarda maydonlar qanchalik yaxshi bo'lsa futbolimiz o'sishi tezlashadi. Xyuistrani tanqidini to'g'ri qabul qilish kerak. Uni kechirasizlar, degan umiddaman.
- Klub sport direktori sifatida keyingi mavsumdagi rejalar bilan o'rtoqlashsangiz. Tarkib yoshartirilishi natijalarga qanchalik tasir qiladi?
- "Paxtakor"ning rejasi ko'proq yoshlarga etibor qaratgan holda chempionlik uchun kurashish. Tarkibni yoshartirganimiz bilan maqsadimiz o'zgarmaydi.
Bosh sahifaga
4208