Husniddin Nishonov: “Bundan buyog'iga ochko yo'qotishga haqqimiz yo'q”

Ortda qolgan o'yinlar xususida jizzaxliklar etakchisi Husniddin Nishonov bilan suhbatlashdik. 

“Ortda qolgan bahslar juda yaxshi o'tdi. Ikkita uchrashuvda ham g'alaba qozondik. Bundan buyog'iga ochko yo'qotishga haqqimiz yo'q, chunki chempionlik uchun kurashmoqdamiz. SHu bois ochko yo'qotmasligimiz va kerakli bo'lgan g'alabalarni qo'lga kiritishda davom etishimiz lozim.

Hozir hisobimizda ikkita mag'lubiyat bo'lsa-da, buni jamoamizga qanchalik tasir qilishini mavsum yakunida bilib olishimiz mumkin. Mavsum so'ngida to'plagan ochkolarimiz miqdoriga qarab, bu mag'lubiyatlar haqida gapirish mumkin bo'ladi.

CHempionat uzoq davom etadi. AGMK va “Lokomotiv” ham chempionlikni qo'lga kiritishni maqsad qilgan. Ularga bu yo'lda omad tilayman. Ular qatori biz ham oxirigacha harakat qilamiz”, – deya so'zini yakunladi Nishonov.