Futbolchi keyingi mavsumdan etiboran "Qo'qon-1912" sharafini himoya qiladi. Biz yangi jamoaga o'tgan Farhod Bekmurotovning fikrlari bilan qiziqdik.
"Andijon" jamoasida 2014 yildan beri to'p tepib kelayotgan edim. To'g'risi tark etish biroz qiyin bo'ldi. Ketishimning birdan-bir sababi o'zimni kuchliroq jamoada sinab ko'rishni o'yladim. Muxlislarga katta rahmat aytaman, etti yil ichida issiqni issiq, sovuqni sovuq demasdan qo'llab-quvvatlashdi. Ular doimo qalbimda qoladi. Nasib qilsa bir kun kelib qaytaman. Doimo sog' va salomat bo'lishlarini, sevimli jamoamizni olqishlashdan charchamasliklarini tilab qolaman.
Ha boshqa jamoalardan ham takliflar tushgani rost. Qo'ng'iroq qilishganida to'g'ri tushuntirib uzurimni aytib qo'ydim. Taklif uchun barchalariga minnatdorchilik bildiraman, meni to'g'ri tushunishdi degan umiddaman. "Qo'qon-1912"ga Baxtiyor aka Ashurmatov chaqirdilar. Endilikda maqsadim o'zimning imkoniyatlarimni kuchli klubda sinab ko'rish va jamoaga yuqori o'rinlarni egallashiga qo'limdan kelganicha yordamlashish",- deydi Bekmurotov.
Bosh sahifaga
538