2021 yilning mart oyidan boshlab “Bunyodkor” futbol klubi Kuzatuv kengashi qarori bilan Klub prezidenti sifatida ish boshlagan “O'zbekneftgaz” AJ Boshqaruvi raisi Mehriddin Abdullaev o'tgan yilda klub nimalarga erishdiyu, nimalarni yo'qotgani, 2022 yilda qilinishi kerak bo'lgan ishlar rejalari yuzasidan Bosh direktor Ulug'bek Mirzaev, Bosh murabbiy SHuhrat Maqsudov, “Fan-klub” azolari etakchisi SHavkat Imomov bilan uchrashdi.
Klub prezidenti avvalo, asosiy maqsad va vazifa O'zbekiston Respublikasida futbolni rivojlantirishga, jumladan bolalar-o'smirlar, professional hamda ommaviy futbolni keng targ'ib qilishga qaratilganini takidlab o'tdi.
Bundan tashqari, Klubning bosh vazifasi asosiy jamoaning milliy chempionat, O'zbekiston kubogida muvaffaqiyatli ishtirok etishi, qolaversa, yoshlar, ayollar, mini-futbol, shuningdek I va II liga jamoalarimizning o'z birinchiliklaridagi muvaffaqiyatli eshtirok etishiga qaratilgan bo'lsa-da, afsuski o'tgan yilda kutilgan natijalarga erishilmagani tanqid qilindi.
Uchrashuv davomida, Klub Bosh direktori Ulug'bek Mirzaev va Bosh murabbiyning 2021 yil sarhisobi hamda 2022 yilgi rejalar bo'yicha hisoboti tinglandi. Ulug'bek Mirzaev O'zbekiston yoshlar terma jamoasi o'quv mashg'ulot yig'inlariga “Bunyodkor”dan o'n nafardan ortiq futbolchi jalb etilganini bildirib, yoshlar erishayotgan yutuqlar bo'yicha malumotlarni keltirib o'tdi.
Jamoaning yakunlangan mavsum boshida qabul qilib olgan bosh murabbiy SHuhrat Maqsudov, har bir futbolchi bilan alohida muloqot yo'lga qo'yilib, ularning jismoniy va ruhiy holati o'rganilgani, 2021 yilgi natijalardan o'zi ham qoniqmagani va 2022 yilda jamoa faqat sovrinli o'rinlar uchun kurashishini bildirdi.
“O'zbekneftgaz” AJ Boshqaruv raisi, “Bunyodkor” futbol klubi prezidenti Bosh murabbiyga imkon berishini va 2022 yilgi natijalarga qarab uning faoliyati bo'yicha xulosa qilishini aytib, faqat g'alaba uchun maydonga tushish kerakligini, nafaqat milliy chempionat, kubok bahslari, balki, endilikda xalqaro maydonda ham jamoa o'zining avvalgi o'rnini qaytarishi kerakligi borasida borasida topshiriqlar berdi.
Jamoani shakllantirishda selekciya ishlarini olib borish, yosh futbolchilarga imkon berish, korrupciya va tanish-bilishchilikka mutlaqo o'rin bermaslik bo'yicha vazifalar belgilab berildi. SHuningdek, “Bunyodkor” FK akademiyasi tarbiyalanuvchilariga alohida etibor berish hamda ular uchun zarur sharoitlarni yaratish kerakligi takidlandi.
O'z navbatida 2022 yilda klub va uning xodimlarini, jamoa va barcha futbolchilarni moliyaviy qo'llab-quvvatlash masalasiga ham alohida etibor berilib, rag'batlantirish masalalari qayta ko'rib chiqilishi, o'zining fidoyiligini namoyish qilgan har bir ishchi-xodim va futbolchi, murabbiy, jamoa azosi rag'batlantirilishi aytildi.
Majlis so'ngida Mehriddin Abdullaev 2022 yilda jamoaga omad tiladi.
Bosh sahifaga
395