O'zbekcha transferlar. SHartnoma muddati ham o'ta maxfiy sirmi?

Gap qaysi futbolchilarning qaysi klubga o'tgani haqida emas. Mutlaqo! Meni bir narsa xayron qoldirmoqda va jahlimni chiqarmoqda.

Yangi futbolchini tanishtirayotganda klublarimiz taxminan mana shunday so'zlarni yozishadi: "...Falonchi falonchiev bilan shartnoma tuzildi. Umid qilamizki u muxislarimizni xursnad qiladi va yangi mavsumda jamoamizga katta foyda keltiradi..."

Baratopgurlar futbolchi bilan necha yillik shartnoma tuzilganini yozish qiyinmi yoki u ham maxfiy sirmi? Yoki klub rahbari yoki bosh murabbiy shartnoma muddatini yozmanglar deb aytadimi?

Odatda futbolchi va murbbiyning maoshini so'raganimizda shartnomada maoshni oshkor qilish mumkin emasligi haqida band bor deb javob berishadi. O'sha shartnoma qachongacha tuzilganini oshkor qilsa bo'ladimi?

CHet elda 1+1 ko'rinishidagi shartnomalar elon qilinadi, futbolchi sotib olish huquqi bilan ijaraga olingani yoziladi yoki bu o'yinchi erkin agent sifatida jamoamizga kelib qo'shildi deyishadi. Bizdachi? Deyarli hech bir klub bunday narsalarni yozmaydi.

Bazida futbolchi boshqa klubga ijaraga berilganini mavsum oxirida bilib qolamiz.

Yangi yil bayramlari tugaganidan keyin PFL baribir qaysi futbolchi qancha muddatga shartnoma tuzganini elon qiladiku. SHunday ekan yashirishdan nima mano bor? Qachon bizda ham rahbariyat klub matbuot xizmatiga professional ishlashlari uchun imkoniyat yaratib berarkin?