Muhammadkarim Toirov, Farhod Sohibjonov, Islom Mamatkazin, Abdurahmon Komilov, Izatillo Abdulhaqov, Abduvohid G'ulomov bilan uzoq yillarga mo'ljallangan shartnomalar tuzilgan va jamoada qolishlari aniq. O'tgan yili tarkibda harakat qilganlarga to'xtalsak, Sardor Xursandovni bir yil ilgari futbol jamoatchiligi tanimasdi. O'yin amaliyotiga ega bo'lib, himoyadagi harakatlari sayqallasha boshlagach, darajasi ortdi. Mavsum yakuniga etishi bilanoq manzilni o'zgartirishini bildirdi, do'stona xayrlashildi.
Azamat Isroilov bilan muzokara chog'ida kelisha olmadik. Boshqa variantlarni qidirib ko'rsin. Klub egasi Juratbek Quvvatov aytganidek,o'zida xohish bo'lmasa,hech kimni yalinib yoki majburlab olib qolish niyatida emasmiz.
Jamoaga kelib qo'shilganlaridan buyon vaqtlarini zahira o'rindig'ida o'tkazgan Xurshid Ubaydullaev, Asilbek Amonov, Mirkomil Lokaev bilan shartnomani uzaytirishdan mantiq yo'q edi.
Ikkinchi davrada darvozani ishonchli tarzda qo'riqlagan Eldor Adhamov masalasi ham shu kunlarda hal bo'ladi. Klub tomonidan qilinishi mumkin bo'lgan sharoitlar havola etildi. Darvozabon o'ylab ko'rish uchun fursat so'ragan. Qishki yig'inlar boshlangunga qadar kutiladi.
SHuningdek, shartnoma muddati tamom bo'lgan Usmonali Ismonaliev va Baxtiyor Qosimov ham hozircha pauza ushlashgan. Nufuzli klublardan taklif tushsa, yo'llariga to'g'anoq bo'linmaydi. Oxirgi so'z o'zlariga havola etilgan. Hech birlari bilan qarzdorlik yo'q. Hisob-kitob ishlari to'laligicha yakuniga etkazildi. Yangi yilga qarzdorliksiz chiqildi.
Endilikda yangi shartnomalar tuzilishida minimal muddat ikki yil qilib belgilanadi. SHular hal bo'lgach, kerakli chiziqlarga munosib futbolchilar jalb qilinadi", - deb yozadi "Andijon" matbuot xizmati.
Bosh sahifaga
780