Yangi yilning ilk kunlaridan ushbu jamoa himoya chizig'ini Navoiyning “Qizilqum” jamoasida to'p surib kelgan Muhsinjon Ubaydullaev bilan kuchaytirdi. Tajribali himoyachi ushbu transferdan keyingi fikrlari bilan bo'lishdi.
- Yangi mavsumda yangicha ko'rinishdagi va qadrdon jamoangizda o'tkazish rejasi, bir so'z bilan aytganda “Neftchi” ga qaytish qarori qachon ro'y berdi. Kimningdir taklifi bilan qaytdingizmi?
- Avvalo barchangizni yangi yil bilan tabriklayman. “Neftchi” jamoasiga kelsak, ushbu jamoa menga begona emas. Qolaversa yangi mavsumda “Neftchi” jamoasi o'z oldiga jiddy maqsadlar qo'ygan. Undan ham tashqari, bu erda oilam bilan birga bo'laman. Taklifga kelsak shaxsan jamoa bosh murabbiyi Ilhom Mo'minjonovning o'zlarining taklifi bilan Farg'onaga qaytmoqdaman.
- Boshqa jamoalardan ham takliflar bo'lganmidi?
- Hozirgacha bir nechta takliflar bo'ldi. Lekin ular orasida menga “Neftchi” ning borligi boshqa takliflarni rad javobini berishimga sabab bo'ldi.
- "Qizilqum" jamoasida o'tkazgan davringizdan ko'nglingiz to'ldimi?
- Albatta qo'nglim to'ldi. Birinchi navbatda futbolchi sifatida o'sishga erishdim. Ko'plab do'stlar orttirdim. Bir so'z bilan aytganda ushbu jamoadan minnatdorman va yangi mavsumda ham ularga omad tilab qolaman.
- Ushbu masumda jiddiy maqsadlarni ko'zlayotgan jamoada, kuchlilar qatorida o'zingizni yo'qotib qo'yishdan qo'rqmaysizmi?
- Raqobatga doimo tayyor bo'lganman va bundan keyin ham tayyorman. Raqobat bor joyda o'sish bo'ladi. Demak o'z ustimizda ishlashda davom etamiz...
SHohruh Meylixolov suhbatlashdi
Bosh sahifaga
364