Mazkur uchrashuvga jamoaning o'z davrining yorqin hujumchilaridan hisoblanadigan Anvar Berdiev va sobiq posbon Bahodir SHamsiddinovlar taklif etildi. Suhbat davomida "Neftchi"ning shonli o'tmishi haqida xotiralar yodga olindi.
"O'sha vaqtda biz bugun yutamizmi deb emas, bugun nechta gol uramiz deb maydonga chiqar edik" - Anvar Berdiev. "Osiyo chempionlar ligasida "Al-Saad" darvozasiga kiritgan golim ko'plab muxlislar tomonidan faoliyatimdagi eng chiroyli gol sifatida etirof etib kelinadi. O'zim ham aynan o'sha golimni alohida etibor bilan xotirlayman".
- "Nasaf"ga qarshi o'yinda olgan jiddiy jarohatim ko'pchilikning yodida bo'lsa kerak. O'shanda qarshiliklar darvozasiga mavsumdagi 17-golim edi. Yodimda bor, 10 ta o'yinda 17 ta gol kiritgandim. Vaziyatdan kelib chiqqan xolda emociyaga berilib golni darvoza ortidagi muxlislar bilan birgalikda nishonlamoqchi bo'lgandim. Afsuski, golni nishonlash vaqtida oyog'im beton to'siqqa urildi va jiddiy tarzda jarohat oldim. Meni "Tez yordam" mashinasida olib chiqib ketishayotganida ham xayolim o'yinda edi. Oxirgi lahzalarda qulog'imga chalindi, “Neftchi" yana bir gol urdi. U tomonga qarashga imkonim bo'lmadi. O'shanda o'zim ham, jamoadoshlarim ham jarohatim bu qadar jiddiy bo'lib chiqishini bilmagan edik" - deya xotirladi sobiq hujumchi faoliyatidagi jiddiy jarohati haqida.
Uchrashuv davomida shu kabi jamoa tarixiga oid xotiralar, yodda qolgan o'yinlar xususida so'z bordi. SHuningdek Anvar Berdiev va Bahodir SHamsiddinovlar hozirda Yaypanning "Turon" klubidagi faoliyatlariga ham to'xtalib, bu jamoada futbol uchun yaratib berilayotgan sharoitlarni ijobiy baholadilar. Faxriy futbolchilar bilan tashkil etilgan uchrashuv so'ngida "Neftchi" yangi mavsumda Superligada munosib ishtirok etib, Osiyo chempionlar ligasiga yo'llanmani qo'lga kiritishiga tilak bildirildi.
Bekzod Tolibov, Farg'onadan Championat.asia uchun maxsus
Bosh sahifaga
142
