Jamoaniing asosiy tarkib o'zagi saqlanib qolingan. SHuningdek Qozog'iston klublari qiziqshlari doirasiga tushgan Ulug'bek Baqoev "So'g'diyona" bilan birga. "Navbahor"ga o'tishi mumkinligi haqida turli mish-mishlar yangragan SHohruz Norxonov jizzaxliklar safida faol tarzda mashg'ulotlarni olib bormoqda. Hujumchi biz bilan bo'lgan suhbat jarayonida "So'g'diyona"da ekanligi, legionerga aylanish masalasi va joriy yilgi Superliga qanday o'tishi haqida fikrlarini bildirib o'tdi.
- O'tgan mavsum "So'g'diyona" uchun omadli kelgani shubhasiz. O'sha kayfiyat jamoa azolarida saqlanib qolingani ko'rinib turibdi...
- Yangi mavsumga tayyorgarlikni boshlab yuborganmiz. 2021 yilgi natija tarixda qoldi. Endilikda ikkinchi o'rinni unutgan holda navbatdagi maqsad sari qadam tashlashimiz kerak bo'ladi. Buning uchun ko'rib turganingizdek mashg'ulotlarda astoydil ishlamoqdamiz. Tarkibda yangi futbolchilar bor. Ular hozircha ko'rikda bo'lib turishibdi. Jamoa yaqinda yig'ildi. Ikkinchi o'rinni olganimizdan keyin buyog'iga maqsad faqat yuqori bo'ladi. Pastga tushishga haqqimiz yo'q.
- Qishki transferlar vaqtida ayni paytga qadar sizga bir qator jamoalardan takliflar kelib tushgani haqida eshitdik. Barchasiga aniqlik kiritib o'ta olasizmi?
- To'g'ri. Oldimda 3-4ta takliflar bor edi. Ayni paytda o'z jamoamdaman. Xorijdan ham chorlovlar bo'lib turibdi. Hozircha o'ylab ko'rmoqdaman. Agarda o'xshasa, legionerga aylanman yoki "So'g'diyona"da qolaman.
- "Navbahor" sizni qo'lga kiritishga urinib taklif bilan chiqqani rostmi?
- Ha. Namangan klubidan taklif bo'ldi.

- Legionerga aylanishingiz ehtimoli haqida so'z ochdingiz. O'zingizni qaysi chempionatda sinab ko'rishni rejalashtirmoqdasiz? So'nggi ikki yilni oladigan bo'lsak Belarus klublarida o'zbekistonlik futbolchilar ko'pchilikni tashkil qilmoqda...
- Niyatim Belarus chempionati emas. Bordi-yu, ketsam arab jamoalariga ketishim mumkin. O'zimni qari, deb hisoblamayman. Hali yoshman. Rossiya klublarini ham o'ylab ko'raman.
- Qishki transferlar oynasida klublar olib borayotgan harakatidan nimani taxmin qilish mumkin?
- Joriy yilda Superliga juda qiziqarli kechadi. Buni taxmin qila olaman. CHunki hamma jamoalar kuchayishga erishmoqda. Jamoalarga evropalik murabbiylar kelyapti. Intriga ancha kuchli bo'ladi. Bir narsani aytishim mumkin, avvalgidek chempionlikni kim olishini oldindan sezish qiyin. Ko'rasiz, hech kim kutmagan jamoa birinchi o'rinni oladi. Albatta bu mening fikrim.


Bosh sahifaga
161