Jamoaning tarkibida o'zgarishlar etarlicha. Ayni paytda jamoa bilan birga mashg'ulotlarda ishtirok etayotgan Anvar Jo'raev keyingi taqdiri va boshqa jamoalardan takliflar haqida fikrlarini bildirib o'tdi.
- "Buxoro" jamoasida ayni paytda yangi murabbiy va yangi futbolchilar ishtirok etmoqda. Klubdagi taqdiringiz qanday kechishi mumkin?
- Hozircha o'zimizning bazamizda shug'ullanmoqdamiz. Yangidan jamoa shakllanmoqda. Bu yil shartnomam yakunlanadi. Hozircha jamoada qolamanmi yoki yo'qmi, bilmayman.
- Hakim Fuzaylov bilan bu borada gaplashdingizmi?
- Murabbiy bilan gaplashib oldim. Ayni paytda shu erdaman. Ularga yangi takliflar bo'lsa o'ylab ko'rishimni aytdim.
- Taklif bilan chiqayotgan jamoalar Superligadan yoki Pro ligadan?
- Biroz kutib yakuniy qarorga kelaman. Ushbu fikrimni rahbariyatga ham aytdim.
- "Buxoro" nimani o'zgartirish evaziga Superligaga chiqishi mumkin?
- Jamoada yaxshi saviyadagi futbolchilar yig'ilgan. Tarkib yanada kuchaytirilib bir oilaga aylantirilsa, maqsadga erishsa bo'ladi.
- Avvalgi yilgidan qarzdorliklar yo'qmi?
- Qarzdorliklar bor. Yaqin kunlarda hal qilishligini malum qilishdi.
Bosh sahifaga
144
