Marosimda futbolchilar, murabbiylar, hakamlar bilan bir qatorda birinchi ligada ishtirok etgan Toshkentning Rubin jamoasi shifokori Hasan Rahimjonov ham "Jasorat" sovrini bilan taqdirlandi. Biz Hasan aka bilan bog'lanib suhbatlashdik:
- Hasan aka, avvalo sovrin bilan tabriklaymiz. O'zingiz haqingizda gapirib bersangiz.
- Tabrik uchun rahmat. Men Mirzo Ulug'bek tumani, 2-son bolalar jarrohlik klinik shifoxonasida bolalar travmatolog-ortoped shifokori bo'lib ishlash bilan birgalikda 2019 yil fevral oyidan beri "Rubin" jamoasida ham ishlab kelyapman.
- O'sha "Paxtakor-2" - "Rubin" o'yinida qanday voqea bo'lgandi?
- "Paxtakor-2" bilan o'yinda jamoamiz futbolchisi Husan Hasanov mezbonlar darvozaboni bilan to'qnashib ketib hushini yo'qotib qo'ydi va tili orqaga ketib qoldi. Zudlik bilan tez tibbiy yordam ko'rsatib futbolchini hayotini saqlab qolishga erishdik.
- Hasan aka, keyingi yil ham "Rubin"da ishlashda davom etasizmi?
- Ha. Futbolni juda yaxshi ko'raman. "Rubin" jamoasida kelasi yillarda ham yaxshi ishlab kelajakda O'zbekiston terma jamoasida ishlashni niyat qilaman.
Farhodjon Uzoqov suhbatlashdi
Bosh sahifaga
233
25 Aprel 2025, 10:03