Mazkur o'yinda farg'onaliklar 2:0 hisobida g'alaba qozonishdi. Uchrashuvdan so'ng qishki transferlar vaqtida «Dinamo»dan «Buxoro» jamoasiga qo'shilgan Obid Jo'raboev fikrlari bilan o'rtoqlashdi.
— O'yin haqida fikringiz...
— Bugungi o'yinda jamoa bilan qishki tayyorgarlik olib borilmoqda. Jamoani qabul qilib olganimdan keyin ko'p yigitlarni ko'rikdan o'tkazyapmiz. «Neftchi» jamoasi ham Superligaga chiqdi, ular yaxshi transferlarni amalga oshirishmoqda. Bu bizning qishki yig'indagi ikkinchi o'rtoqlik uchrashuvimiz hisoblanadi. Lekin hozircha yomon emas. Qishki yig'indan maqsad yoshlarni ko'rikdan o'tkazish. Bugun yaxshi o'yin bo'ldi, «Neftchi» jamoasi ham yaxshi tarkibni shakllantiribdi. Qishda barcha jamoa bir xil holatda bo'ladi. Mavsum davomida ko'raveramiz barchasini.
— «Dinamo»dan ketishingiz sababi nimada?
— To'g'risini aytsam, biz «Dinamo»dan o'zimiz ketganimiz yo'q. Ular bilan shartnomamiz tugagan edi, lekin biz kutgandik jamoada qolishni. Bizning Superligada o'ynash maqsadimiz bor edi. Lekin klub rahbarlari, direktori, homiylarimizning tutgan yo'li bizni og'rintirdi. Bizga nisbatan behurmatlik qilishdi. Taklif bo'lishini oxirgacha kutdik. Superligaga chiqishimiz 3 ta tur oldin malum bo'lgandi. Hali mavsum tugamasdanoq murabbiyning o'ziga yangi murabbiy topishganini aytishdi. SHu narsa ham ancha tasir qildi. Yangi yildan keyin ham kutdik, lekin telefon bo'lmadi. Bizga «variantlar bo'lsa qidiraveringlar», deyishdi. Hozir «Dinamo»da 2-3 nafar bola qoldi. Biz 3 yanvarda «Buxoro»ga kelib qo'shildik. Biz «Dinamo»dan kutmagandik, «o'ynaymiz, 8-10 nafar bola qoladi», deb o'ylagandik.
— Keyingi yil «Buxoro»ni Superligada ko'ramizmi?
— Maqsadimiz jamoani Superligaga olib chiqish. Yaxshi niyatlar bilan keldik, nasib qilsa olib chiqamiz.
Jahongir Fayzullaev yozib oldi
Bosh sahifaga
696