CHunki Superliga bu - bir musobaqa. Tabiiyki yil yakunida uning eng yaxshi murabbiyi bo'ladi. O'zbekistonning eng yaxshi murabbiyi degani bu, albatta Superligani yutishi shart degani emas. Balki Proligani yutib ham eng yaxshi bo'lish mumkin. Balki futzal, ayollar futboli yoki terma jamoalarda ishlab ham.
Muammo shundaki, yil yakunlari deganda ko'z oldimizdan birinchi navbatda Superliga ketmay qoladi. Natijada boshqa futbollarni unutib qo'yamiz. Misol uchun yilning eng yaxshi futzalchisi, ayol futbolchisi va yosh futbolchisi aniqlanyapti. Lekin nima sababdan eng yaxshi futzal murabbiyi yoki ayollar murabbiyi aniqlanmayapti degan savol yuzaga keladi.
Taqdirlashga kelganda faqat Superliga atrofida o'ralashib qolish to'g'ri emas, aksincha boshqa musobaqalarga nisbatan hurmatsizlik va avvalo PFLning o'zi past nazar bilan qarashini anglatadi.
Xullas kechagi taqdirlashda SHota Arveladze Superliganing eng yaxshi murabbiyi bo'ldi, Ro'ziqul Berdiev esa O'zbekistonning. Va Berdievning O'zbekistonda eng yaxshi deb topilishi adolatdan. Bunda hech qanday muammo ko'rmayapman. Ro'zi aka mana bir necha yildirki qator-qator futbolchilarni tarbiyalab kelyapti. Yana kim shu ishni qilyapti degan savol ham tug'iladi.
Meni faqat 3ta narsa ranjitdi. 1. Eng yaxshi futbolchilar qatorida Jasur Yaxshiboevning yo'qligi, 2. Eng yaxshi murabbiylar qatorida nima sababdan Abramovning borligi va 3. Eng yaxshi murabbiylar orasida "Turon" bosh murabbiyining ismi umuman tilga olinmagani.
Bosh sahifaga
138
25 Aprel 2025, 10:02