Olamsport.com sayti muharriri, O'zbekiston boks associaciyasi matbuot xizmati rahbari Aziz To'xtamurodovning fikrlariga quloq tutdik. U kishiga futbolga oid 8, futboldan tashqari 3ta savol bilan murojaat qildik.
1. Siz o'yinlarini bevosita kuzatgan eng kuchli futbolchi kim?
- Bevosita kuzatganlarimdan Rivaldo. TV orqali tomosha qilgan futbolchilarimdan esa Ronaldu.
2. Siz ko'rgan eng chiroyli gol qaysi?
- Xorijda Zidanning ECHL finalida "Bayer" darvozasiga chap oyoqda urgan goli. O'zbek futbolida esa Marat Bikmaevning Janubiy Koreya terma jamoasi darvozasiga kiritgan goli.
3. Futbol olamida boshqalardan mutlaq ajralib turadigan shaxs kim? (masalan, xarakter yoki etibori bilan)
- Joze Mourino va Krishtianu Ronaldu.
4. O'zbekiston terma jamoasini boshqargan eng kuchli murabbiy kim?
- Hozirgacha MTJda ishlaganlar ichida shaxsan men uchun Rauf Inileev.
5. O'zbek futbolidagi eng omadsiz shaxs kim?
- Javob berishga qiynalaman.
6. Sizningcha, bugun o'zbek futbolining qaysi jihatlari tanqidga loyiq?
- Moliyaviy resurslardan samarali foydalanilmasligi va saviyasiz legionerlar.
7. Siz bevosita stadiondan kuzatgan eng oxirgi o'yin?
- Eslay olmayapman. Faoliyatim so'nggi paytlarda futbol emas, asosan boshqa sport turlari bilan bog'liq bo'lgani uchun futbol o'yinlariga emas, boshqa sport turlarini nisbatan ko'p kuzatyapman.
8. O'zingiz o'yinlarini kuzatgan futbolchilar orasidan ramziy jamoa tuzib bering.
Darvozabon: Buffon
Himoyachilar: Serxio Ramos, Karles Puyol, Jon Terri, Dani Alvesh.
Yarim himoyachilar: Kaka, Stiven Jerrard, Frenk Lempard, Devid Bekxem
Hujumchilar: Ronaldo (so'yloq), Dide Drogba.
9. Hayotdagi kumiringiz kim?
- Aniq bir insonni ko'rsata olmayman.
10. O'zingizga yoqmagan tarafingiz qaysilar? Kamchiliklaringiz...
- Ko'p hollarda "yo'q" deya olmasligim, ammo vaqt o'tgani sayin bu ham sekin-asta bartaraf etilishiga ishonaman) SHuningdek, katta auditoriya va kamera oldida o'zimni erkin tuta olmayman. Bu ham OAV xodimi uchun kamchilik hisoblanadi.
11. Hayotingizning burilish nuqtasi sifatida qaysi voqeani eslaysiz?
- Umid qilamanki, hali bu voqea bo'lgani yo'q :)
8+3. SHavkat Nasibullaev — futbolimizdagi eng omadsiz odam
Bosh sahifaga
437