Maguayr: "Fernandesh MYUga bir necha yil etishmagan jihatlarni to'ldirdi"

"U jamoaga kelganidan buyon nafaqat mashg'ulotlarda, balki, o'yinlarda ham ajoyib. U etakchi va doimo g'alaba qozonishni istaydi. Brunu o'zi o'ynayotgan barcha turnirlarda sovrinlar qo'lga kiritishni xohlamoqda. Uni shunday tarbiyalashgan.

Brunu jamoaga uzoq yillardan buyon etishmayotgan kreativlikni olib kirdi. Bu esa "Yunayted" muxlislariga ham yoqmoqda.

Bu boshlanishi. U o'z o'yinidagi ko'plab aspektlarda o'sishni istamoqda. U bundan-da yaxshi o'yin ko'rsata oladi. Bu esa klub uchun ham foydali.

Ayni damda markazda raqobat juda kuchli. Maydondagi joyni saqlab qolish uchun maksimum kuchni sarflash kerak", - dedi Maguayr.