SHu bo'yicha Ochilovning fikrlariga quloq tutdik.
“Mavsum yakuniga etganidan so'ng rahbariyat menga yangi shartnoma taklif qildi. Qolaversa, o'zim ham “Xo'jand”dagi faoliyatimdan qoniqish hosil qilgandim va rahbariyat, murabbiylar va futbolchilar bilan aloqa yaxshi ekanligi bois, ortga qaytishga qaror qildim. “Xo'jand” bilan yana bir yillik shartnoma imzoladim",- deydi Samandar Ochilov.
- O'zbek klublaridan takliflar bo'lmadimi?
- Taklif bo'ldi. Biroq futbolchi o'zini hurmat qiladigan joyida bo'lishi muhim. Bizda to'p tepish juda qiyin. Negaki, tanish murabbiy bo'lishi kerak. Sizni doimiy o'ziga hamroh qilishi uchun murabbiy bilan yaxshi munosabatda bo'lishingiz kerak. Bo'lmasam, juda qiyin doimiy ravishda to'p tepishingiz. SHu tomonlarini yaxshilab o'ylab ko'rib, bir qaror keldim. Yangi mavsumda “Xo'jand” yana OFK kubogida ishtirok etadi. SHartnoma muddatini yanada uzaytirishimga ham shu jihat ham turtki bo'ldi.
- Yangi mavsumda jamoangiz o'z oldiga qanday maqsadlarni qo'ygan?
- Rejalar ulkan. “Xo'jand” yangi mavsumda chempionlikni maqsad qilgan. Bu orqali Osiyo CHempionlar ligasiga yo'llanma olishni istaydi. Xudo xohlasa, mazkur vazifani bajarish uchun oxirigacha kurashamiz.
Bosh sahifaga
56
