Baxtiyor Ashurmatov shogirdlari bugun Qo'qon shahrida to'planib, navbatdagi o'quv-yig'in mashg'ulotlarini boshlab yuborishdi. Bugungi mashg'ulotlar Uchko'prikdagi markaziy stadionda bo'lib o'tdi. Tarkib borasida ham bazi yangiliklar bor.
Jamoaning Toshkentdagi yig'inida ishtirok etgan Vladimir Kozak jamoa lagerini tark etgan. Jamoaning serbiyalik legioner futbolchisi Ivan Yosovich bugundan mashg'ulotlarga qo'shildi. Jamoa muxlislariga yaxshi tanish bo'lgan futbolchi Jamshid Xasanov bu yilgi mavsumni Qo'qonda o'tkazish uchun "shunqorlar" yig'iniga kelib qo'shildi. Xasanov o'tgan mavsumni Navoiyning "Qizilqum" jamoasida o'tkazgan edi.
"Qo'qon-1912" jamoasi ertaga Farg'ona shahrida bo'lib o'tayotgan "Xokim kubogi-2022" musobaqasidagi ishtirokini boshlaydi. Jamoa Qirgulidagi "Neftchi SK" stadionida Oshning "Oloy" jamoasi bilan kuch sinashadi. Bu uchrashuv ertaga, 26 yanvar kuni, soat 14:00da boshlanadi.
Quyida "shunqorlar"ning bugungi mashg'ulotlaridan olingan suratlarni tomosha qiling:
Bosh sahifaga
200