Uchrashuvdan matnli translyaciyani aynan shu sahifada kuzatib bordingiz.
MATNLI TRANSLYACIYA
Gollarga boy o'tgan uchrashuvda Bahodir Ahmedov shogirdlari 2:4 hisobida imkoniyatni boy berishdi.
O'rtoqlik uchrashuvi
28.01.2022, 21:00
"Sportskaya Dvorana" majmuasi, Novigrad
O'zbekiston - Franciya 2:4
Gollar: A.Rahmatov 23, D.Rahmatov 40 - M.Ture 7, L.N'Gala 10, 38, M.Abdusamad 34
O'zbekiston (Birinchi beshlik): 1.Rustam Umarov, 4.Ixtiyor Ropiev, 6.Ilhomjon Hamroev, 8.Husniddin Nishonov, 10.Davron CHoriev.
Zaxira: Ravshan Eliboev, Anasxon Rahmatov, Mashrab Odilov, Davlat Ibragimov, Dilshod Rahmatov, Elbek To'lqinov, Akbar Usmonov, Abdulla Solihov, Sunatulla Jo'raev.
Bosh murabbiy: Bahodir Ahmedov
Franciya: 16.Lokoka Francis, 2.Sid Belhaj, 7.Ronni Zakei, 11.N'Gala Landri, 20.Muhudin Suhayl.
Zaxira: 1.Luis Makkvet, 5.Assen Yunus, 8.Saadui Ayub, 10.Muhammad Abdusamad, 12.Kerrumi Maruf, 13.Ture Mamadu, 14.Ture Mamadu (kichik), 15.Menendez Nikolas, 17.Bendau Stiv, 18.De Sa Andrade Mikael.
Bosh murabbiy: Rafael Reynaud
Ogohlantirish: I.Ropiev 29
Uchrashuv yakunlandi.
40 - Goooooooollllll, bahs tugashiga 4 soniya qolganda Dilshodning pasidan keyin francuzlar o'z darvozalarini nishonga olishdi.
40 - Zarbaaa, Nishonov to'pni darvozabon ustidan tashlab qo'ymoqchi bo'ldi. Himoyachi qaytarishga ulgurdi.
39 - Umarov birga birda jamoamizni navbatdagi goldan qutqardi.
38 - GOL, N'gala o'z dublini nishonlamoqda. Landri o'ynovchi kiperimiz Hamroevni oson dog'da qoldirdi.
38 - Zarbaaa, Dilshodning zarbasi to'g'ri darvozabonga.
38 - CHoriev to'pni uzoq burchakka tashlagandi, Nishonov uzoq burchakka bormadi.
36 - CHorievning zarbasi noaniq.
Raqib ustozi taym-aut oldi.
36 - Nishonovning kuchli zarbasiga aniqlik etishmadi.
35 - Bahodir Ahmedov o'ynovchi darvozabonni tushirdi. Bu rolni Ilhom Hamroev bajaradi.
34 - GOL, Muhammad francuzlarning uchinchi golini kiritdi.
33 - Zarbaaa, Anasxon Akbarni birga bir chiqardi pasi bilan, Usmonov esa gol ura olmadi.
32 - Mamadu Umarov bilan yakkama yakka chiqib bordi chapdan, Rustam jamoamizni qutqardi.
32 - Ropievning zarbasi ancha yuqoridan ketdi.
30 - Ropiev ikki o'yinchi orasidan chiqib ketdi va chap oyoqda noaniq zarba berdi.
29 - Ixtiyor Ropiev ogohlantirildi.
27 - Zarbaaa, endi Hamroev chapdan yakkama yakka chiqib bordi va to'pni darvozabon ustidan tushirib qo'ymoqchi bo'ldi. Afsuski, Lokoka o'z joyida.
26 - Ustunlik biznikilar tomonga o'tdi.
25 - Xavfli vaziyat! CHoriev I.Ropievni birga-bir vaziyatga chiqarib yubordi. Ixtiyor esa o'z imkoniyatini ko'kka sovurdi.
24 - Turening kuchli zarbasidan keyin Umarovdan juda chiroyli seyv.
23 - Goooooollllll, Anasxon Rahmatovvv!!! Anasxon sal avval bo'lgani kabi chapdan darvozabon qarshisiga chiqib bordi va bu safar uzoq pastki burchakni aniq nishonga oldi. Bahodir Ahmedov shogirdlari hisobni qisqartirishdi.
23 - Anasxon endi Muhammadga nisbatan qo'pollik ishlatdi va jarima.
22 - Anasxon darvozabon bilan deyarli birga-ir vaziyatga chiqib bordi va raqib kiperi o'zini ko'rsatdi.
22 - Ikkinchi bo'limda ham ilk aniq zarbani francuzlar berishdi. Zakeining urinishini Umaroq yo'qqa chiqardi.
Ikkinchi bo'lim boshlandi.
Birinchi bo'lim yakunlandi. Tanaffus!
19 - Ehhh, vakillarimiz hujumda pressing uyushtirib to'pni olib qo'yishdi va uchga bir holatda qolib ketishdi. Afsuski, Rahmatov Akbar Usmonovga pas berishda xatoga yo'l qo'ydi.Zo'r imkoniyat ko'kka sovurildi.
19 - Saadui Ayub juda xavfli zarba berdi, noaniq.
17 - Umarov ketma-ket ikkita epizodda kuchli zarbalarni qaytardi.
16 - CHorievning yaqin masofadan bergan zarbasi salgina noaniq.
16 - Nihoyat, Nishonovdan kuchli aniq zarba. Darvozabon amallab to'pni qaytardi.
15 - Franciya bosh murabbiyi Rafael Reynaud 1 daqiqalik taym-aut oldi.
15 - Bu safar Nishonovning zarbasi noaniq.
13 - Vakillarimiz standartlardan keyin zarbalar berishmoqda. Lekin, ularga aniqlik etishmayapti hozircha.
11 - Rahmatov to'pni raqibdan olib qo'ydi va noto'g'ri zarba berdi.
10 - GOL, N'gala supergol muallifiga aylandi. Landri uzoq masofadan chap oyoqda to'pni darvozaning to'qqizligiga "mixlab" qo'ydi.
7 - GOL, Ilhom Hamroev to'pni shundoqqina raqibga tashlab berdi va 14-raqamdagi Mamadu Ture kiperimiz bilan birga-bir chiqib ketib hisobni ochdi.
7 - Nishonovning zarbasiga aniqlik etishmadi.
Malumot uchun "Sport TV" o'yinni Xorvatiya kanallari orqali jonli ko'rsatmoqda.
5 - Har ikkala jamoa bosh murabbiylari ikkinchi to'rtlikni maydonga tushirishgan. Rahmatovning zarbasini kiper qaytardi.
5 - Uhhh, ustunlik evropaliklarda. Hozir ular 15 soniyada 3 marta juda xavfli zarba berishdi. Rustam Umarov Muhammad Abdusamadning ikkita xavfli zarbasidan keyin bizni gollardan qutqardi.
2 - O'zbekistonning birinchi zarbasini H.Nishonov berdi, raqib darvozaboni o'z joyida.
1 - Franciya dastlabki 25 soniyada ikkita zarba berdi. Birinchisi noaniq, ikkinchisida Umarov qutqardi.
Uchrashuv boshlandi! Uni francuzlar boshlab berishdi.
Bosh sahifaga
152
