Championat.asia sayti malumotiga ko'ra, klub gruziyalik Kaxaber Cxadadze nomzodini ko'rib chiqqan. Yakuniy qaror qanday bo'lishi hozircha aniq emas. 1968 yil tug'ilgan Cxadadze 2018 yildan buyon Qozog'istonning "Ordabasi" klubida bosh murabbiy bo'lib ishlab keldi va 2020 yilning 30 noyabr kuni uning shartnomasi yakuniga etdi.
Futbolchilik vaqtida himoyada o'ynagan Cxadadze Moskvaning "Spartak" va "Dinamo", Frankfurtning "Ayntraxt", Angliyaning "Manchester Siti" kabi klublarda to'p tepgan. Gruziya milliy terma jamoasi safida 25ta o'yinda maydonga tushib 1ta gol urgan.
U 2001 yildan buyon murabbiylik qilib kelmoqda. Hozirgacha Gruziyaning "Lokomotiv", "Dinamo", "Sioni", Ozarbayjonning "Standard" va "Inter", Qozog'istonning "Qayrat" kabi klublarida ishlagan. 2015-2016 yillarda Gruziya milliy terma jamoasini boshqargan.
Cxadadze murabbiy sifatida ikki marta Gruziya chempioni bo'lgan - 2005 yil "Dinamo" bilan, 2006 yil "Sioni" bilan. 2010 yil Bokuning "Inter" klubini Ozarbayjon chempioni qilgan. 2016 yilda "Qayrat" bilan Qozog'iston vice -chempioni va 2017 yil Qozog'iston Superkubogi sohibiga aylangan.
Bosh sahifaga
272