O'zbekiston ayollar TJga xorijlik mutaxassis bosh murabbiy etib tayinlandi
Bugundan etiboran O'zbekiston ayollar terma jamoasida yaponiyalik murabbiy - Midori Honda ish boshladi. SHu kunning o'zidayoq xorijlik mutaxassis boshchiligida vakillarimiz yig'inga kirishishdi. "CHig'atoy" maydonida bo'lib o'tgan ilk mashg'ulot ko'tarinki ruhiyatda boshlandi. Futbolchilar dastlab kayfiyatni ko'taruvchi mashqlarni murabbiy bilan birgalikda bajarishdi. Midori Honda mashg'ulot oldidan o'zining ilk taassurotlari bilan o'rtoqlashdi.
- O'zbekiston ayollar terma jamoasida ishni dastlab nimadan boshlayapsiz?
- Birinchi o'rinda eng muhimi shuki, ayollar terma jamoasida futbolchilarning o'ziga bo'lgan ishonchi. Yani o'yinchi oldindagi uchrashuvni yuta olishiga o'zini ishontira olishi kerak. Ikkinchidan - mentalitet.
- Yangi ish joyingizni qay darajada o'rgandingiz va bo'lg'usida nimaga etibor bermoqchisiz? Uslubingiz qanday?
- Avvalo to'pni o'zimizda yaxshi nazorat qila olishimiz zarur. Maqsadimiz olimpiya o'yinlariga chiqish. Futbolchi qilayotgan ishini sevishi darkor.
- Hali katta yutuqlarni qo'lga kiritmagan jamoada sovrinlar sari ilk qadam qanday bo'ladi?
- Mening taktikamda yuqorida aytganimdek asosiy narsa to'pni uzoq vaqt o'zimizda ushlab turish. SHunchaki raqibga berib yuborish noto'g'ri. To'pni meniki, deb o'ylashni o'rgatmoqchiman.
- Maqsadingiz qanday?
- Men yaponman, jamoam esa o'zbek. SHu bois o'zbekistonlik ayollar bilan aloqani mustahamlab olishni rejalashtirganman. Mamlakatda ayollar futbolini rivjolantirish maqsadlarimdan biri hisoblanadi.
Bosh sahifaga
87
