Mazkur terma jamoa bosh murabbiyi sifatida Farruh Zokirov ishladi. Xo'sh, turnirdan Zokirov qanday taassurot oldi? Quyida uning fikrlariga quloq tutamiz.
"Tojikistondagi futzal musobaqasi yaxshi tashkillashtirildi. Bizda ayollar futzal chempionati o'tkazilmayotgan bo'lsa ham, yaxshi natijaga erishdik deb o'ylayman. Turnir davomida Eron ayollar terma jamoasi menda yaxshi taassurot qoldirdi. U erda futzal chempionati borligi uchun ularning saviyasini ko'rish qiziq tuyuldi.
Bizda ham ayollar o'rtasida futzal chempionati tashkil qilish mumkin, albatta. Deylik, qishda futzal chempionatini o'tkazish har tomonlama terma uchun ham, futbolchi qizlar uchun ham foydali. Natijada, futzal bo'yicha Osiyo chempionatida yaxshi ishtirok eta olamiz. Musobaqada bizning futzalchi qizlarimizda ham katta ishtiyoq borligi ko'rindi", – deb so'zini yakunladi Zokirov.
Bosh sahifaga
232