Anjuman qatnashchilari, OAVlar ham o'zlarini qiziqtirgan savollarga javob olishdi. Xususan Birinchi liga haqidagi savolga O'zPFL direktori Diyor Imomxo'jaev quyidagicha javob berdi.
- Birinchi ligaga talabni kuchaytirsak, klublarni "o'ldirib" qo'ygan bo'lamiz. Qaytanga ularga talabni engillashtiryapmiz. Mazkur chempionat ishtirokchilaridan ayollar, bolalar futboli yoki futzal klubini talab qilmaymiz. Bilasizlar malum vaqt Birinchi liga "karvonsaroy" bo'ldi. Sport, licenziyalash talablari bor. Oldin homiylarni aldashgan. Ularni oldiga boradida, biz o'zimiz pul topamiz, sizdan pul kerak emas, shunchaki klubga homiy bo'lib PFLdan ro'yxatdan o'tib olgunimizgacha turib bering, deydi. Homiylarning nomini qora "otliq" qilgan shu klublarimiz bo'ldi. Birinchi ligaga bu yil o'tgan yilgidan 1-2ta klubni qo'ymaymiz. Oddiy buxgalterlik hisobotini yurgizmayotgan jamoalarga Birinchi ligada joy yo'q. Yani Birinchi liga klubida buxgalterlik hisoboti yurgizilishi kerak. Homiydan kelib tushgan pul futbolchilar, murabbiylarga berilayotgani haqidagi oddiy narsa. Ular qaerdan pul topdi, degan savolga javobni hamma o'z xohishi bo'yicha qabul qilib olsin. Homiylik qilayotgan tashkilotni ham auditorlik tekshiruvidan o'tkazamiz. Rostdan unda futbolga beradigan ortiqcha daromadi bormi? Ming afsuski, birinchi ligadan ko'p klublar boshqa maqsadda foydalanishadi. Ular futbolni rivojlantiramiz, deb intervyu berishadi. Avval o'zimizni o'zimiz rivojlantiraylik. Birinchi ligada totalizator, bukmeyker kompaniyalari bosh mavzu bo'lib qolgan. Bosqichma-bosqich bartaraf qilish yo'llarini izlashimiz lozim. Inspekciya bu borada ishlamoqda. Endilikda shunday o'yinlarda qatnashganlar jinoiy javobgarlikka tortilishi haqida o'qidim. Bu juda to'g'ri.
Bosh sahifaga
314