– Klubingizning tutgan yo'liga munosabatingiz qanday? Qaerda o'ynashni istardingiz?
– Qaysidir manoda, ajablandim. Men to'rt yildan buyon klubdaman. Boshim yorilganda, ko'zoynakda va o'yinga 70% tayyor bo'lganimda ham jamoa sharafini himoya qildim... To'pig'im ishib ketganini aytdim. Ular mendan o'ynay olamanmi yoki yo'q, so'rashganida 100% tayyor bo'lmasam ham, ha deb javob berdim.
Bir narsa aniqki, men kerak bo'lsam, hech qachon rad qilmaganman. Har safar qo'limdan kelgancha harakat qilganman, borimni berganman. Vaziyat murakkabligini, hozir yanvar oyiligini ham yaxshi bilaman. Biroq bu barchamiz uchun zarar keltiradigan holat: men istagan narsamga eta olmadim, klubga, chunki ular ketishni istaganimda meni ushlab qolishdi.
Ular meni to'g'ri tushunishdi, biroq klubning o'z sabablari bor edi. Ammo menga alam qilyapti. Imkoniyatlarni qo'ldan chiqarmaslik kerak deb hisoblayman – "Barsa" kabi klubga o'tish imkoniyati, bu men uchun orzu edi, lekin klubdagilar zarur vaqtda qo'llab-quvvatlashmadi.
Mentalitetimda professionallik mavjud – doimo yaxshi shug'ullanish, o'zimni har tomonlama yaxshi tutish. Bazan bunday holat sizga qarshi xizmat qiladi. SHunday pallalarda o'ylab qolarkansan, balki barchasiga biroz boshqacharoq munosabatda bo'lish kerakmidi, birinchi navbatda o'z manfaating haqida qayg'urish to'g'riroqmidi", – dedi Talyafiko.
Bosh sahifaga
70
