Ispaniya chempionatining 16-turi sizlarni Yangi yil oqshomida ham o'zining o'yinlari bilan xursand qilishga harakat qiladi. SHanba va yakshanba kunlari La Liga o'yinlari o'tkazilishiga odatlanib qolgan muxlis, endi o'z rejimini haftaning dastlabki kunlariga to'g'rilagani maqul. Bugundan boshlanadigan 16-tur 2020 yilning oxiriga qadar davom etadi. Undan avval esa o'tgan tur haqida eslab o'tamiz.
Peshqadamlar jangida (o'tgan tur oldi) Madridning “Atletiko”si “Real Sosedad”ni mag'lub qildi va peshqadamlikni o'zida saqlab qoldi. “Real Madrid” “Granada”ni qabul qildi hamda 2:0 hisobida ishonchli g'alabga erishdi. “Valensiya” – “Sevilya” o'yinida mehmonlar minimal hisobda ustunlikka erishgan bo'lishsa, “Barselona” muammolar girdobidan chiqib “Valyadolid”ni yirik 0:3 hisobida mag'lub etdi. SHu va boshqa o'yinlar bilan yakuniga etgan 15-turdan so'ng oldinda bizni 16 tur kutmoqda. Bugun, aynan boshlanajak tur o'yinlari anonsini etiboringiz havola etamiz.
Turning dastlabki o'yini: “Sevilya” – “Vilyarreal”
16-tur shedevr o'yin boshlanadi, ishonavering. 4 va 6-o'rinni egallab turgan jamoalar o'rtasidagi bahs murosasiz kechishi shubhasiz. Yilni yaxshi kayfiyat va yaxshi o'rinlarda yakunlashni istaydi ikki jamoa ham. O'tgan turda o'z maydonida “Atletik Bilbao” bilan duranga imzo chekkan edi “Vilyarreal”. “Sevilya” esa mehmonda “Valensiya” ustidan g'alabaga erishdi. Hozirda ikki jamoa o'rtasidagi ochkolar farqi 3 ochkoni tashkil etadi. Mehmonlar bir g'alaba bilan sevilyaliklarga etib olish imkoniyatlari bor. SHunday ekan, uchrashuvga qiziqish ikki jamoada ham yuqori. Mazkur bahs 29 dekabr kuni Toshkent vaqti bilan 21:00 da start oladi.
O'zaro o'yinlar: Jami o'tkazilgan 46 o'yinning 20 tasida “Sevilya”, 12 tasida “Vilyarreal” g'alaba qozongan. 14 o'yin esa durang bilan yakuniga etgan.
Jamoalarning jarohatlangan futbolchilari: Serxio Eskudero, Tomash Vatslik (“Sevilya”). Pako Alkaser, Alberto Moreno, Francis Koklen, Karlos Bakka, Visente Iborra (“Vilyarreal”).
Qatorasiga ikkinchi marta quyi pog'onadagi jamoaga qarshi o'ynayotgan “Barselona” “Eybar”ga qarshi
“Barselona” o'tgan turda ayni vaqtda bu galgi raqibidan bir pog'ona pastdagi “Valyadolid” mehmoni bo'lib, g'alabaga erishgan edi. Ushbu o'yin ham quyi o'rinlardagi jamoa – “Eybar”ga qarshi kechadi. Kataloniyaliklar uzoq muddatdan so'ng endi-endi ochkolar jamg'arishni boshlashdi. “Eybar”da esa ko'ngilsizliklar hali hamon. Jamoa 17-pog'onada ayni vaqt. O'tgan turda “Alaves” mehmoni bo'lgan jamoa 2:1 hisobida mag'lub bo'ldi. Yilning so'nggi o'yini qanday kechishini esa maydonda, 29 dekabr 23:15 da ko'ramiz.
O'zaro o'yinlar: La Liga doirasida jami 12 uchrashuvning 11 tasida “Barselona” g'alaba qozongan bo'lsa, 1 tasida durang natija qayd etilgan.
Jamoalarning jarohatlangan futbolchilari: Ansu Fati, Serxi Roberto, Jerar Pike (“Barselona”). Pedro Bigas, Paulu Oliveyra, Serxi Enrik, Pedro Leon, Roberto Korrea, Xose Anxel, Damian Konzyor, Yosinori Muto (“Eybar”).
Peshqadam “Atletiko” o'rtameyona “Xetafe”ga qarshi
Turnir jadvalida eng kam gol o'tkazgan Madridning “Atletiko”si “Xetafe”ni o'z uyida qabul qiladi. Mazkur o'yindagi g'alaba madrdiliklarni 2020 yilni chempionatda peshqadam sifatida yakunlashini belgilab bersa, “Xetafe”da katta yo'qotish ham yoki ulkan bir o'sish ham bo'lmaydi. Ayni vaqtda 17 ochko bilan 12-o'rinni egallagan jamoa mag'lubiyatga uchrasa pastga tushishdan ko'ra g'alaba qozongach yuqorilash ehtimoli yuqori. Nima bo'lgan taqdirda ham, ikki jamoa yilni g'alaba bilan yakunlashga harakat qiladi va bunga 30 dekabr 23:15 dagi o'yinda birgalikda aniqlik kiritib olamiz.
O'zaro o'yinlar: Umumiy o'tkazilgan 32 bahsning 21 tasi “Atletiko”, 3 tasi esa “Xetafe” foydasiga yakunlangan. 8 ta bahs durang bilan yakunlangan.
Jamoalarning jarohatlangan futbolchilari: Ektor Erera, Joau Felish, Ivo Grbich (“Atletiko Madrid”). Abdulay Diabi, Viktor Molexo (“Xetafe”).
Birinchilikka intilayotgan “Real Madrid” “Elche”ga qarshi
“Real Madrid”da ham, “Atletiko Madrid”da ham bir xil 32 ochko mavjud. Biroq “Real Madrid” “Atletiko”ga qaraganda 2 ta o'yin ko'p o'tkazgan va shu sabab jamoa 2-o'rinda. Ushbu o'yindagi g'alaba, balki, madridliklarni peshqadam qilish mumkin. “Elche”ning holatiga esa havas qilib bo'lmaydi. 16-o'rinni egallab turgan klub mag'lubiyatga uchrasa xavfli zonaga ham tushib ketish ehtimoli mavjud. O'tgan tur o'zidan pastki o'rindagi “Osasuna”ga qarshi o'yinda 2:2 hisobida durang o'ynagan jamoa bu safar “Real”ning imtihonidan o'tadi. Ushbu bahs 30 dekabrdan 31 dekabrga o'tar kechasi 01:30 da boshlanadi.
O'zaro o'yinlar: La Liga doirasidagi 42 bahsning 6 tasida “Elche”, 27 tasida “Real Madrid” zafar quchgan. 9 o'yin esa durang bilan yakuniga etgan.
Jamolarning jarohatlangan futbolchilari: Omenuk Mfulyo, Diego Gonsales (“Elche”). Luka Modrich (“Real Madrid”).
Ispaniya chempionatida 2020 yilning so'nggi ikki o'yinining biri: “Atletik Bilbao” – “Real Sosedad”
Omadsizliklar girdobiga tushib qolgan “Real Sosesad” “Atletik Bilbao” mehmoni bo'ladi. So'nggi 3 o'yinda bor-yo'g'i 1 ochko ishlagan sosedadliklar ushbu mavsumni o'rtameyonlar safida o'tkazayotgan bilbaoliklarga qarshi o'tkazadi. Garchi, mazkur tur 16 chi bo'lsa ham “Real Sosedad” uchun bu o'yin 17 uchrashuv bo'ladi. Biroq ochkolar bo'yicha biroz orqada. Peshqadamlikni qo'ldan boy berib yubordi. Bu vaziyatdan esa “Atletik Bilbao” unumli foydalanishi mumkin. Barchasi o'zlarining qo'lida. 31 dekabr soat 18:00 da boshlanajak bahs barchasiga oydinlik kiritib beradi.
O'zaro o'yinlar: Umumiy o'tkazilgan 151 uchrashuvning 60 tasida “Atletik Bilbao” jamoasining qo'li baland kelgan bo'lsa, 52 bahs “Real Sosedad”ning g'alabasi bila yakunlangan. 39 o'yinda jamoalar durangga imzo chekishgan.
Jamoalarning jarohatlangan futbolchilari: Peru Nolaskoayn (“Atletik Bilbao”). Aser Ilyarramendi, Adnan Yanuzay, Arits Aranbarri, Luka Sangali, Migel Anxel Moyya (“Real Sosedad”).
SHuningdek, ushbu turda quyidagi uchrashuvlar ham o'tkaziladi:
29.12 01:30 (Toshkent vaqti) “Levante” – “Betis”
29.12 01:30 (Toshkent vaqti) “Kadis” – “Valyadolid”
30.12 21:00 (Toshkent vaqti) “Granada” – “Valensiya”
30.12 23:15 (Toshkent vaqti) “Selta” – “Ueska”
31.12 20:15 (Toshkent vaqti) “Osasuna” – “Alaves”
2020 yilning so'nggi kunida ham chempionat o'yinlari o'tkaziladi. Jamoalar esa tanaffusga chiqishmaydi. Bayram o'tishi bilanoq 17-tur uchrashuvlari boshlanadi. Hozircha unga to'xtalmaymiz, avval ushbu tur o'tib olsin. Bayramni futbol bilan kutib oling, yoqimli tomosha tilaymiz. Yangi yilingiz bilan!
Og'abek Samisov tayyorladi
Bosh sahifaga
69
