SHuningdek jamoaning aksariyat futbolchilariga ham takliflar kelib tushayotgani haqidagi xabarlar qulog'imizga chalinayotgani rost. Muborakliklarning mahoratli futbolchisi Mo'min Meliev ham keyingi mavsumni boshqa jamoada boshlash arafasida. Bu borada uning o'zi qanday fikrda?
"2019 yil Pro ligada birinchi o'rinni egallab jamoamiz bilan elitaga qaytdik. Garchi ikki yil quyi ligada ishtirok etgan bo'lsakda Superligaga moslashish qiyin kechmadi. Barcha uchrashuvlar qiziqarli va shiddatli ruhda o'tdi.
Imkoniyatlarimni to'liq ko'rsata oldim deya olmayman. Keyingi mavsumda o'zimning eng yaxshi o'yinlarimni ko'rsatishga harakat qilaman.
Jamoamizdagi pasayishni yaqinlarim ham aytishdi. Karantindan so'ng bunday holat ko'pchilikda kuzatildi. Mashg'ulotlarda kutilmaganda jarohat orttirib oldim va bir oyga yaqin tiklanish jarayonini olib bordim. Menimcha shu omillar ham sabab bo'ldi.
Qaysi jamoaga o'tganim yangi yildan so'ng rasman aniq bo'ladi. "Nasaf"dan taklif? Bu jamoa kuchli murabbiyga ega. Jamoada yaxshi saviyadagi futbolchilar yig'ilgan. Klub muxlislari faxrlansa arziydi. Ularni kumush medallari bilan tabriklayman. Aytganimdek yangi yildan keyin barchasiga aniqlik kiritamiz.
"Mashal" jamoasining jonkuyar muxlislarini kelayotgan bayram bilan tabriklayman. Oilalaridan fayz va baraka arimasin",- deydi Mo'min Meliev.
Bosh sahifaga
74
