Ilhom Mo'minjonov shogirdlari bugun Qozog'istonning "Aksu" jamoasiga qarshi o'rtoqlik uchrashuvida maydonga tushdi. Murosasiz o'tgan o'yinda tomonlar murosa ko'chasini tanlashdi. Bahs yakunlangach "Neftchi"ga qishki transferlar vaqtida jalb qilingan Sunnatilla Abdullajonov fikrlarini bildirib o'tdi.
- "Neftchi" ancha vaqtdan Turkiyadagi yig'in olib bormoqda. SHunday ekan qanday xulosa va taassurotlar olyapsiz?
- Taassurotlar yaxshi. Ayni paytda ko'proq jismoniy holatimiz ustida ishlamoqdamiz. Mavsum startigacha optimal formada bo'lishimiz kerak. Oldinda yana 2ta uchrashuv bor. O'ylaymanki, taktik jihatdan ham ancha shakllanishga ulguramiz.
- Davralar oralig'idagi xorij yig'inlari jamoalarga qanchalik kerak? O'zbekiston va xorijdagi tayyorgarlik o'rtasida tafovut bormi?
- Xorij yig'inlari juda ham foydali, deb o'ylayman. Avvalo turli sparring raqiblar bilan kuch sinashish imkoni mavjud. Ikkinchidan qulay ob havo va maydonlar holati ko'ngildagidek.
- "Neftchi"da juda yaxshi tarkib yig'ilmoqda. Futbolchilarning potencialidan kelib chiqsak, jamoa qaysi o'rinlarga kurashadi?
- Guvohi bo'layotganingizdek, kuchli va mahoratli futbolchilar yig'ilmoqda. SHuni etiborga olgan holda, murabbiyimiz katta maqsadlarni oldimizga qo'ymoqdalar. Potencialimiz yuqori o'rinlarni egallashga etadi.
- O'rtoqlik uchrashuvi uchun tanlanayotgan raqiblar qay darajada sparring vazifasini o'tamoqda?
- Jamoamiz uchun ular begona raqiblardir. Ushbu uchrashuvlar orqali murabbiy tomonidan berilayotgan ko'rsatmalarni bajarishga harakat qilyapmiz.
Abdulaziz Iskandarov suhbatlashdi
Bosh sahifaga
182
