Bugungi mashg'ulot Belekdagi "Calista sport center" maydonida olib borildi. Biz esa mashqlar yakuniga etgach jamoaning yangi futbolchisi Anzur Ismoilovning fikrlariga quloq tutdik.
Himoyachi "Paxtakor"dan ketishi va nima uchun AGMKni tanlagani haqida dastlab quyidagicha fikr bildirdi.
- "Paxtakor" tarkibni yoshartirmoqda. Bir tomondan ularni ham to'g'ri tushunish mumkin. SHu pallada AGMK jamoasi bosh murabbiyi Mirjalol Qosimov taklif bilan chiqdilar. Ularga kerak ekanligimni aytdilar. SHuning uchun o'ylamasdan bu jamoani tanladim.
Anzur Ismoilov bilan qisqa suhbat jarayonida bevosita xorijda olib borilayotgan yig'in haqida ham so'radik. Uning fikricha yangi futbolchilar o'zaro chiqishib olishi uchun ham bunday yig'inlar foydali.
- Qishki o'quv-mashg'ulot yig'inlarini asosiy qismini xorijda o'tkazmoqdamiz. Bundan avval Dubayda "Jabel Ali" sport majmuasida shug'ullandik. O'rtoqlik uchrashuvida maydonga ishtirok etdik. Mana shunday yig'inlar orqali bir-birimizni yaxshi bilib olishimiz talab qilinadi. Qaysidir manoda biz uchun bir imkoniyat desam ham noto'g'ri bo'lmaydi. SHu jihatdan ham foydasi bor. Yana bir tomoni bunda bir nechta xorij jamoalari bilan o'ynaymiz. Qanchalik kuchli raqiblar bilan o'ynasak, chempionatda shuncha oson kechadi.
Intervyu yakunida tajribali to'p tepar yosh futbolchilarga va endi etishib chiqayotgan himoya chizig'i vakillariga maslahatlarini berib o'tdi.
- Mashg'ulotlarda astoydil shug'ullanish shart. Bunga yuzaki yondashish noto'g'ri. To'xtamasdan ustilarida ishlashlari kerak. Men ham o'z vaqtida Asror Aliqulov, Baxtiyor Ashurmatov, Xayrulla Karimov kabi tajribali futbolchilardan ko'p narsa o'rganganman. Bugungi yosh futbolchilar o'zlaridan kattalardan o'rnak olishsa o'sishga erishishadi.
Abdulaziz Iskandarov yozib oldi
Bosh sahifaga
58
