Bu tarixda ilk bor – Diyor Imomxo'jaev davrida sodir bo'ldi. Imomxo'jaev PFLga kelganidan keyin va bosh direktor etib tayinlanganidan so'ng, jumladan, Diyor Abrorovichning o'zi aytganidek, «Umid Ahmadjonov O'FAga kelganida PFL ishlash tizimi tubdan o'zgargan». Mazkur moliyaviy hisobotdan keyingi xulosalar haqida «Championat.asia» sayti kolumnisti Og'abek Samisov so'z yuritadi.
O'zPFLning moliyaviy hisobotida aytilgan raqamli faktlar futbol uchun yaxshi, balki kim uchundir kichkina puldir. Masalan, «Paxtakor»ning kelib chiqishi turk, lekin shvecariyalik bo'lgan sobiq hujumchisi Eren Derdiyok yiliga 1,3 mln evro, boshqacha aytganda 16 mlrd 439 mln so'm maosh olgan. Diyor Imomxo'jaevning so'zlariga ko'ra esa, PFLga 2021 yilda 15 mlrd 725 mln 200 ming so'm pul kelib tushgan. Musobaqalar o'tkazish uchun 16 mlrd 618 mln 788 ming so'm mablag' sarflangan. Katta bir futbol klubning legioner hujumchisiga to'lagan maoshi bilan bir tashkilotning daromadi ko'p farq qilmas ekan.
PFL shu mablag' bilan ham katta ishlarni, loyihalarni amalga oshira oldi. Xususan, o'tgan yili barcha musobaqalarda taqdirlash marosimlarini yaxshi saviyada o'tkaza oldi. Deylik, U-14 musobaqasidan tortib, O'zbekiston kubogigacha. Diyor Imomxo'jaev rahbarligidagi O'zPFL 2020 yilda karantindan keying chempionatni yaxshi yakunlab olgan edi, 2021 yilda esa ular bor resursdan yaxshi foydalana bilishdi.
O'zPFL 2021 yilda musobaqa ishtirokchilari uchun qatnashchilik badallari miqdorini ilk bor 40−50 foizgacha kamaytirgan. Qo'shimchasiga, ayollar va futzal jamoalari ilk bor badal to'lashdan to'liq ozod qilingan. Sekin-asta kattalar futboli uchun ham badal pullari yo'qolib, aksincha, PFL har bir klubning egallagan o'rnidan kelib chiqib mukofot beradigan darajaga etishi kerak, menimcha. SHuningdek, Pro-ligadan Superligaga chiqqan jamoa ham qanchadir miqdorda mukofotlanishi kerak, ularga Superliga nafaqat yuqori cho'qqi, balki iqtisod tomonlama ham foyda bo'lishi zarur.
Hozirgi sharoitda translyaciyalar orqali pul topish anchagina qiyin. Qachondir shu bosqichga ham etib kelinishi kerak, albatta. Yuqorida aytilgan fikrlarni O'zPFL rahbari va uning jamoasi yaxshi bilishiga, bundan kattaroq maqsadlarda ishlashayotganiga ishonaman.
SHuningdek, o'yin davomida buzilgan tartib-intizom, klublar o'tasidagi kelishmovchilik janjallari uchun qo'llangan jarimalar tufayli futbolchi, klub va rasmiylar 494 mln 500 ming so'm pulni tashkilotga to'lab bergan.
Imomxo'jaevning takidlashicha, oldingi yillarda kelib tushgan jarima mablag'lari PFL faoliyatiga ishlatilgan. Endilikda, bu pullarni bolalar va o'smirlar futbolini rivojlantirish uchun to'laligicha O'zbekiston futbol associaciyasiga o'tkazib beriladi.
Nodirxo'ja Yo'ldoshev o'zining Telegram-kanalida bu borada o'z shaxsiy taklifini bildirdi. Unga ko'ra, deylik Nasaf jazolandi, pul O'FAga emas, Qashqadaryo futbol associaciyasiga o'tkazib berilishi kerak.
«Neftchi yoki Bunyodkor moliyaviy jazoga tortildi, Farg'ona va Toshkent shahar futbol associaciyasiga shu pullar o'tkazilsa, bu pullar to'g'ridan-to'g'ri yana o'sha klub manfaati yo'lida xizmat qilardi», - deb yozadi Nodirxo'ja Yo'ldoshev.
Ushbu taklif ham nazariy jihatdan o'zini oqlashi aniq. Agarda bu taklif amaliyotda qo'llaniladigan bo'lsa pullarning o'tkazib berilishidan tortib ishlatilishigacha nazorat bo'lishi kerak. Balki buni O'zPFL davlat organlari bilan hamohang ishlagan ravishda amalga oshirar.
Diyor Imomxo'jaevning malum qilishicha, endilikda yangi tashkilot — O'zbekiston futbol hakamlari markazi ochilish arafasida turibdi. Unda respublikadagi barcha katta futbol musobaqalarini yagona qoidalar asosida olib boradigan hakamlar nazorat qiladi. Menga qiziq, bu markaz alohida tashkilot bo'lib, masalan, PFL kabi nodavlat, notijorat tashkilot bo'larmikin? Hakamlar bilan bo'ladigan turli bahsli holatlar O'FA bilan kelishgan holda aynan shu hakamlar markazida ko'rib chiqilarmikin? Albatta, buni yangi tashkil etilajak markaz haqida batafsil malumot berilsa bilib olaveramiz.
O'zi umuman o'tkazilgan taqdimot haqida ko'p narsa aytish mumkin. Diyor Imomxo'jaev hozirga qadar «O'zPFL direktori vazifasini bajaruvchisi» ekan. Ehtimol, v.b jumlasi olib tashlanib, to'liq tayinlanish vaqti kelgandir. Bu borada Imomxo'jaevning o'zi aytganidek, «bunga lozim topishsa, biror fikr kiritilar».
Bosh sahifaga
457