Bugun saytimiz xodimlari Bekobod klubi mashg'ulotlaridan reportaj tayyorlashdi hamda jamoa ustoziga savollar bilan yuzlanishdi.
- Turkiyadagi yig'in haqida qisqacha fikrlaringiz...
- Avvalambor, Antalyada ekanligimdan xursandman. Yaxshi mehmonxona, ajoyib stadion va trenajyor zali – hammasi yaxshi tashkillashtirilgan. Bu safarni tashkillashtirib bergan "Metallurg" rahbariyatiga alohida rahmat!
- "Metallurg" qishki yig'inni nima uchun aynan Antalyada o'tkazmoqda?
- Birinchi navbatda, sabab sifatida Turkiyaning iqlimini keltirib o'tish mumkin. SHuningdek, bu erda maksimal sharoitlar yaratilgan. Bular mavsumoldi yig'inda katta yordam beradi. Qo'shimchasiga sparring-raqiblar bilan o'yin o'tkazish uchun yaxshi imkoniyat bor.
- Deylik, agar Toshkentda xuddi mana shunday sharoit mavjud bo'lsa, jamoa yig'inni o'zimizda o'tkazishi mumkinmi? Klublarimizni Antalyaga jalb qilayotgan asosiy narsa nima?
- Albatta, agar 4-5 ta yaxshi sharoitga ega maydonlar bo'lsa, Toshkentda tayyorgarlik ko'rib, raqiblarni ham o'sha erga taklif qilardik. Bu holatda ob-havo ham inobatga olingan. CHunki o'tgan yili qishda juda ham sovuq bo'lgan. SHuning uchun jamoalar Antalyaga oshiqishadi. O'yinchilar uchun avvalo maydon sifati muhim.
- Rahbariyat jamoa oldiga qanday maqsadni qo'ygan va "Metallurg" yuqori o'rinlar uchun kurasha oladimi?
- Biz hozir yaxshi jamoa qurishni maqsad qilganmiz. CHempionatda eng yuqori o'rinlardan birini egallash uchun astoydil harakat qilamiz.
- Ayni paytda sizni nima xavotirga solmoqda? Futbolchilarga o'z g'oyalaringizni etkazishda muammolarga duch kelmayapsizmi?
- Umuman olganda, men futbolchilardan mamnunman. To'g'ri, ozgina tushunmovchiliklar bo'lib turadi. Bu yangi ishlanmalarni joriy qilayotganda yuz beradi, lekin biz mashg'ulot oldidan yig'ilish qilib, yigitlarga videorolik va taqdimotlar orqali tushuntirishga harakat qilamiz. Keyin esa barini bevosita maydonda sinovdan o'tkazamiz.
Bosh sahifaga
349