Uchrashuvdan so'ng farg'onaliklar bosh murabbiyi Ilhom Mo'minjonov o'yin, mavsumga tayyorgarlik haqida fikr bildirdi.
«Avvalambor barchaga assalomu alaykum. O'quv-yig'in mashg'ulotlaridan ko'nglimiz to'lmoqda. Buning uchun rahbariyatga minnatdorchilik bildiraman. Hozirga kelib uchta o'yinda o'ynadik va barchasida durang qayd etdik. Endi 9 fevralda bitta o'yinimiz qoldi va keyin O'zbekistonga qaytamiz. Mashg'ulotlar ikki mahaldan davom etmoqda. Ishlashda davom etamiz. O'zbekistonning ko'plab jamoalari shu erda mashg'ulot olib borishmoqda. Bu erdagi sharoitlar va ob-havo yaxshi», - dedi Mo'minjonov.
Bugungi uchrashuvda Oybek Qilichev birinchi bo'limda qanot vingeri bo'lib harakat qildi. Buning sababi nimada?
- O'rtoqlik uchrashuvida futbolchilarimizni xar hil joylarda o'ynatib ko'rmoqdamiz, ular qaerda qanaqa o'ynashlarini yaxshilab bilib olmoqchimiz. SHu sababli ham birinchi bo'limda Oybek qanotda harakat qildi, ikkinchi bo'limda esa markazda o'ynadi.
Jamoadagi legionerlar haqida fikringiz?
- Jamoada to'rtta legioner bor. O'tgan yilda Stanovich va Echish biz bilan birga edi. Bu yil esa Daniel va Toshich jamoamizga kelib qo'shildi. Hozirgi vaqtda Echish va Toshishning sport formasi juda yaxshi emas. Menimcha, ular keyingi o'yinimizda asosiy tarkibda tushiramiz. Ularni mavsum boshiga qadar yaxshi sport formaga olib kelamiz degan umiddamiz. Ular hali yosh va biz yaxshi legionerga ega bo'ldik deb o'ylayman.
«Neftchi» yangi mavsum uchun tanlab-tanlab futbolchilarni olib kelmoqda. Biz «Neftchi»da yana yangi nomlarni ko'ramizmi?
- Hozircha eng oxirgisi Ubaydullaev. Menimcha, bir ikki kunda yana bitta futbolchi kelib qo'shiladi. «Paxtakor» azosi Abror Ismoilov transferi hal bo'ladi deb o'ylaymiz. Muzokaralar davom etmoqda. O'ylashimcha, yangi mavsumda Ismoilov bizning jamoada harakat qiladi. Katta ehtimol bilan, Abror biz uchun so'nggi transfer bo'ladi. Allaqachon darvozabonlar bilan birgalikda 25 ta futbolchi yig'ib bo'ldik.
Yangi mavsumda «Neftchi»ning maqsadlari qanday? CHempionlik bo'lmasa ham.
- Nega endi yo'q, endi bu futbol. Farg'ona jamoasi doim yuqori maqsadlarni oldiga qo'yadi. «Neftchi» uch yil deganda Superligaga qaytdi. O'ylaymanki, faqat olg'a intilamiz. Futbolchilarimiz ham qanday jamoaga kelishgani bilib turishibdi. Maqsadimiz faqat tepaga.
10 fevral kuni yangi mavsumga qura tashlash marosimi bo'lib o'tadi. Birinchi turda kimga qarshi o'ynashni istagan bo'lar edingiz?
- «Navbahor». Vodiy derbisi! Qaerda o'ynashimizni farqi yo'q!
Nega O'zbekiston jamoalarining ko'pi yangi mavsumga tayyorgarlikni Turkiyada o'tkazmoqda?
- Bir necha yildan beri uch-to'rtta jamoa chetda mashg'ulot olib borishardi. Bu yil esa 10 ta jamoa keldi. Birinchi navbatda sharoit, keyin ob-havo. O'zbekistonda yomg'ir yog'sa, maydonni ayash maqsadida, suniy maydonlarda mashg'ulot olib borar edik. Bu esa futbolchilarga qiyinchilik tug'diradi. Bu erda har qanday ob-havo bo'lishidan qatiy nazar mashg'ulot olib borish mumkin. Keyin bu erda raqib ko'p, o'yin ko'p. Keyin ikki — uch haftalik o'quv-yig'in mashg'ulotlari murabbiylarga futbolchilarni yaxshilab ko'rib olishga yanada yordam beradi. Menimcha, O'zbekiston klublari keyinchalik boshqa mamlakatlar singari chetda mashg'ulotlarda ishtirok etadi.
VIDEO "Neftchi"ning Turkiyadagi o'rtoqlik o'yiniga tashrif + Ilhom Mo'minjonov va Lutfulla To'raevdan intervyu
Bosh sahifaga
218
