Nikola Lazarevich murabbiylik qilayotgan "Qizilqum"ning bugungi mashg'ulotidan jamoaning tajribali himoyachisi Islom To'xtaxo'jaevning fikrlarini tingladik.
"Mavsum boshlanishiga ko'p ham qolmadi. Yaqinda qura tashlash marosimi bo'lib o'tadi. SHu bois tezroq optimal formaga kirib olishimiz kerak, deya olaman. Bu erda shunisi qulayki, o'rtoqlik uchrashuvlari uchun raqiblar topish oson. Buyog'iga hech qancha vaqt qolmadi.
Istaymizmi yoki yo'qmi, bosh murabbiy Nikola Lazarevichning evropalik ekanligi mashg'ulotlaridan bilinmoqda. Ko'rsatmalarida bu yaqqol sezilyapti. O'ylaymanki, ko'zlagan maqsadimizga erishamiz.
"Qizilqum" - katta loyiha. Klub oldiga ulkan vazifalar qo'yilgan. Mana shu omil jamoada qolishimda asosiy rol o'ynadi. "Qizilqum"ni O'rta Osiyodagi eng yaxshi jamoaga aylantirishmoqchi", - deydi himoyachi.
Bosh sahifaga
217
