- O'yin haqidagi fikrlaringiz?
- Bugungi raqib juda yaxshi edi. Biz uchun juda qiyin o'yin bo'ldi. O'tkazib yuborilgan golga qaramasdan, o'yinchilar birinchi bo'limda juda ajoyib harakat qilishdi. Biz o'yinni nazorat qildik. Ikkinchi bo'limda esa o'yin ritmini o'zgartishga qaror qildik, yosh o'yinchilarga imkoniyat berdik. O'yinning so'nggi 15 daqiqasida raqib jamoa to'pni nazorat qildi. Biz buni futbolchilar bilar muhokama qilamiz, xatolarni to'g'irlaymiz. O'yinchilarimiz ikkinchi bo'limda qanday xatolarga yo'l qo'yishganini ko'rib olishadi. Keyingi o'yinda biz yaxshiroq harakat qilamiz.
- Aleksey Larin, Kamen Xadjiev kabi yangi o'yinchilar haqida fikrlaringiz?
Jamoamizdagi yangi ikki markaziy himoyachilar bugun birinchi marta maydonga tushishdi. Ular ko'rsatgan o'yindan to'liq qoniqish hosil qildim. Ular yangi mavsumda jamoaga katta naf keltirishadi.
Biz juda ko'p o'zgarishlar qildik. Tayyorgarlik jarayonida bundan bo'lishi tabiiy. Juda ko'p mashq qilayotganimiz sabab, o'yinchilarda biroz charchok alomatlari sezilmoqda. O'ylaymanki, keyingi bir-ikki haftada ular o'zlarini to'liq tetik his qila boshlashadi. Jamoa safiga Dubaydan kelib qo'shilgan futbolchilarga ayniqsa qiyin bo'ldi. Biroq, biz bularning barchasini nazorat qilmoqdamiz.
O'zbekiston chempionatidagi birinchi raqibingiz kim bo'lishini kutyapsiz?
Buni bizga farqi yo'q. Birinchi turdagi raqib kuchli bo'lidimi yoki yo'q - buni bizga umuman ahamiyati yo'q. Ikkala jamoa ham 11 o'yinchi bilan maydonga tushadi. Biz har bir o'yinda g'alaba uchun maydonga tushamiz. Bu bizning falsafamiz. Har bir o'yinda gol urish, g'alaba qozonish - bu "Paxtakor"ning falsafasi.
Abdulaziz Iskandarov yozib oldi
Bosh sahifaga
62
