So'nggi uchta mavsumni Tojikistonning "Istiqlol" jamoasida o'tkazgan futbolchi kecha "Ufa" bilan o'rtoqlik o'yinida norasmiy debyutini nishonladi. Odatdagidek o'yindan so'ng uning yangi klubi borasidagi fikrlarini oldik.
- "Istiqlol" va "Paxtakor" bu yil OCHL guruh bosqichida ishtirok etadi. SHunday ekan nima uchun O'zbekiston klubini tanladingiz?
- Avvalo O'zbekistonning tarixiy va nomdor, amaldagi chempion jamoasi safiga kelganimdan xursandman. Asosiy omil bu - OCHL. O'zimni yangi sarguzashtlarga tayyor, deb bilaman. Tojikistonda "Istiqlol" bilan sovrinlar yutdik. Mana shu ishni "Paxtakor" bilan ikki karra ko'proq amalga oshirishni niyat qilganman. Buning uchun bor kuchimni ishga solaman. Ikki mamlakat mentaliteti o'rtasida o'xshashliklar bor. Moslashishimga katta yordam beradi.
- Superligamizda sobiq dushanbeliklar yana bittaga ko'paydi. Avvalroq Andrey Mishenko va Alisher Jalilov AGMK azosiga aylanishdi. Zoir Jo'raboev "Surxon" ko'rigida edi. Bunga qanday munosabat bildirasiz?
- Butun boshli "Istiqlol" ko'chib kelyapti (kuladi). Nima uchun? CHunki O'zbekiston chempionatining darajasi Tojikistonnikiga qaraganda kuchliroq. Futbolchi oldinga intilishi, o'sishi kerak.
- Slavche Voyneski qanday murabbiy?
- U jamoada barcha bilan birdek gaplashadi. Til topishish oson ekan. Doim ko'tarinki kayfiyatda yuradi.
- "Paxtakor" muxlislariga nima deya olasiz?
- O'yinda ham, mashg'ulotda ham jamoaga yordam berish maqsadim hisoblanadi. Bor kuchim bilan o'ynashga vada beraman.
Rasman: "Paxtakor" "Istiqlol"ning sobiq himoyachisini o'z safiga qo'shib oldi
Bosh sahifaga
371