Bosniya va Gercegovinaning "Saraevo" jamoasi sparring raqib vazifasini o'tagan bahsda "ajdarlar" katta ustunlikka ega bo'lishdi va 1:0 hisobida g'alaba qozondi. O'yindan so'ng "Saraevo" bosh murabbiyi Aleksandar Vasoski saytimiz muhbiri Abdulaziz Iskandarov bilan suhbatda o'yin haqidagi fikrlarini bildirdi.
"Nasaf" yaxshi jamoa ekanligini o'yinda ham isbotladi. Biz ushbu uchrashuvda ikkinchi tarkib futbolchilariga imkoniyat berishga qaror qildik. CHunki yig'in davomida barchaning holatini ko'zdan kechirib olishimiz kerak. Maydonda biroz yoshartirilgan "Saraevo"ni ko'rdingiz. Raqib ustunlikni o'z qo'liga oldi, ko'p vaziyatlar yaratdi. Tayyorgarligimiz oxirlab bormoqda. Turkiyada ko'proq uchrashuvlar o'tkazdik.
Menga "Nasaf"ning chiziqlar orasida tezkorlik bilan o'ynashi yoqdi. Jismoniy tomondan ularga yaxshi baho beraman. Ayniqsa 77-raqamdagi futbolchi (Oybek Bozorov) himoyachilarimizga tinchlik bergani yo'q. Uning texnikasi va tezligiga qoyilman. Biz bilan o'yinda u eng yaxshi futbolchi bo'ldi, deya olaman",- deydi Aleksandar Vasoski.
Eslatib o'tamiz, o'yinda "Nasaf" 1:0 hisobida g'alaba qozondi.
Bosh sahifaga
81
