Samarqandliklar 3 fevral sanasidan etiboran Turkiyaning Side shahrida yangi mavsumga hozirlikni olib boryapti. Jamoaning bugungi mashg'ulotida bo'lgan saytimiz muxbiri Abdulaziz Iskandarov ukrainalik yarim himoyachi Evgen CHumakning fikrlarini oldi.
- "Dinamo" O'zbekistondagi uchinchi jamoangiz hisoblanadi. "Bunyodkor"da etarli o'yin amaliyoti berilmagandi. "Metallurg"dagi faoliyatingiz o'zingiz istagandek kechdimi?
- Andrey SHipilov boshchiligida "Metallurg"dagi faoliyatim 2020 yil boshlandi. Ko'p o'yinlarda to'liq harakat qildim. Keyinchalik esa boshqa murabbiy keldi, u bilan munosabatlarimiz yomon kechdi. Yangi murabbiy nafaqat men bilan, balki butun jamoa bilan shunday edi. Buni eslashni ham istamasdim. Yuqorida aytganimdek Bekoboddagi ilk yilimdan nolimayman.
- "Dinamo" bilan yangi mavsumga tayyorgarlik xususida...
- Barchasi rejadagidek ketmoqda. Samarqanddagi yig'inda ko'proq yuklamalar berilgan, jismoniy mashg'ulotlar asosiy planga chiqdi. Turkiyada esa taktika va o'yinni yo'lga qo'yish borasida ishlamoqdamiz.
- "Dinamo" Superligaga qaytgan jamoa sifatida qaysi o'rinlarga kurashadi?
- Ishontirib aytamanki, muxlislar maydonda borini bermay o'ynayotgan futbolchilarni ko'rishmaydi. CHunki rahbariyat oldimizga vazifa qo'ydi. Hech kim shunchaki maydonga tushmasligi aniq. "Dinamo" Superligada ilk bor ishtirok etayotgani yo'q. SHu bois kamida kuchli beshtalikdan o'rin olishga harakat qilamiz. Pastki o'rinlarda yurmoqchi emasmiz. Jon saqlash uchun kurashmaymiz.
Bosh sahifaga
106
