Birinchi katta masala — legioner futbolchi oldidagi qarzdorlik. Bubanya FIFAga murojaat qilgan. Katta tashkilot kunning istalgan qismida "Surxon" uchun transfer taqiqi qo'yishi mumkin. Hatto ertagayoq taqiq kuchga kirsa ham, "Surxon" 26 fevralgacha katta ehtimol bilan ko'p narsaga ulgurmaydi.
Ikkinchi katta masala — klubning yangi homiylar qo'liga o'tishi. Bu ish ham amalga oshganicha yo'q. Amaldagi rahbariyatdan qolib kelayotgan qarzdorlik masalasini hal etish asosiy muammo bo'lyapti. Yuridik tarafdan olib qaraganda ham oldindagi 11 kun bu ishlarni hal qilish uchun etmasligi mumkin.
O'z-o'zidan savol kelib chiqadi: "Surxon" transferlar amalga oshira olmasa nima bo'ladi? Agar shunday holat yuzaga kelsa, u holda "Surxon" o'tgan mavsumdagi futbolchilari bilangina shartnomani uzaytirishi va faqatgina U-18 jamoasi futbolchilari bilan shartnoma tuzishi mumkin bo'ladi. Savol ketidan yana savol bor: bu holatda klub 2022 yilgi mavsumda Superligada jon saqlab qola oladimi?
Bosh sahifaga
81
