Biroz avval futbolchi ayni paytda BAAning Dubay shahrida bo'lib turgani haqida malumot bergan edik.
Masharipovga Saudiya Arabistoni klubidan rasmiy taklif keldi
"Championat.asia" sayti manbalarining malum qilishicha, Masharipov 27 dekabr kuni Dubayda yangi klubiga o'tish oldidan tibbiy ko'rikdan o'tgan. Dushanba kuni esa tibbiy tekshiruv natijalari ijobiy chiqqan va malumotlar xorazmlik o'yinchining bo'lajak jamoasiga yuborilgan.
O'zbekistonning 2020 yildagi eng yaxshi futbolchisining yangi klubi Saudiya Arabistonining "Al Nassr" jamoasi bo'ladi. "Championat.asia"ga malum bo'lishicha, tibbiy tekshiruvdan muvaffaqiyatli o'tgan Jaloliddin riyodliklar bilan 3+0.5 ko'rinishida shartnoma imzolaydi. Yani, uning kelishuvi 2023 yilning 31 dekabr kuni nihoyasiga etadi. Klubda esa o'zaro kelishuvni avtomatik tarzda yana yarim mavsumga uzaytirish imkoniyati bo'ladi. SHunda vingerimiz "Al Nassr" tarkibida 2023-2024 yilgi mavsumni to'liq tugatib qo'yishi mumkin bo'ladi.
Tomonlar o'zaro shaxsiy shartnoma borasida kelishuvga erishib bo'lishgan, faqatgina klublar ayrim bandlarni kelishib olishsa bo'ldi. Transfer 99 foizga amalga oshib ulgurdi, faqat so'nggi qadamlar va rasman elon qilish qolgan.
Jaloliddin Masharipov 2021 yilda legionerga aylanadimi? Uning o'zi javob berdi
Malumot uchun, ayni paytda Saudiya Arabistoni Pro ligasida 10ta tur ortda qolgan. "Al Nassr" ortda qolgan 10 o'yinda 2ta g'alaba, 2ta durang va 6ta mag'lubiyat qayd etgan holda turnir jadvalida 15-pog'onada bormoqda. Klub qoniqarsiz natijalar sabab 28 dekabr sanasida portugaliyalik murabbiy Rui Vitoriani istefoga chiqargan. Ayni paytda riyodliklarni vaqtincha yoshlar jamoasi ustozi Alen Xorvat boshqarib turibdi.
Eslatib o'tamiz, Jaloliddin Masharipov yakunlangan mavsum "Paxtakor" safida Superligada 23ta o'yinda ishtirok etgan va 6ta gol urib, 14ta golli pas bergan.
Bosh sahifaga
193