Pandemiya sharoitida, qiyinchilik bilan bo'lsada uy safar tizimida o'tgan chempionat ancha qiziqarli o'tdi. Vaziyatdan kelib chiqib 8ta jamoa "A" va "B" guruhlarida uy safar tizimida 14ta turni o'tkazdilar. O'z hududlarida 1 va 2-o'rinni egallagan klublar, "Neftgazmontaj", "Bunyodkor", "Oq Tepa" va Toshkent akademiya jamoalari 1/2 final bosqichida to'qnash keldilar. Bir guruhdan joy olgan "Neftgazmontaj" va "Bunyodkor" jamoalari yakunda ham finalda to'qnashdilar.
Kecha "Oq Tepa" stadionida sovrinli o'rinlar uchun ikkita bahs bo'lib o'tdi.
CHempionatning bronza medallari uchun kechgan bahsda Toshkent akademiyasi vakillari g'alaba qozondi. Pro Liga o'yiniga 2 nafar asosiy tarkib azosi ketib qolgani "Oq Tepa"ga bugun yaxshigina bilindi. Penaltilar seriyasida omad akademiya vakillariga kulib boqdi.
3-o'rin uchun.
"Oq Tepa" - TFA 1:1 (2:4)
Bosh hakam: R.Lutfullin.
Yordamchi hakamlar: A.Galeev va O.Kallaxo'jaev.
Bosh sovrin uchun kechga bahs haqiqiy dramaga aylanib ketdi. Dastlabki bo'libda ikkita chiroyli gol bilan "Bunyodkor" darvozasini ishg'ol qilgan "gazchilar"ning ikkinchi bo'limda nima uchundir o'yinlari chiqmadi. Bundan "qaldirg'ochlar" yaxshigina foydalanib qoldilar. Qizig'i shundaki, Murod Otajonov bugun 2004 yillarda tavallud topgan, Mirjamol Qosimovning 6 nafar shogirdini asosiy tarkibda navbati bilan sinab oldi. Yoshlarga berilgan imkoniyat esa o'z samarasini berdi. 2:0 hisobida ortda borayotgan jamoa uchrashuvni penaltilar seriyasiga qadar olib bora oldi. "Neftgazmontaj" 11 metrlik lotareya seriyasiga ikkinchi darvozabonni tushirishni reja qilib turgan bir pallada, o'yinda to'xtalish bo'lmadi. Lotareyada esa "Bunyodkor" posboni jamoadoshidan farqli ravishda 2ta zarbani qaytarishga muvaffaq bo'ldi.
Final.
"Neftegazmontaj" - "Bunyodkor" 2:2 (2:4)
Bosh hakam: A.Risqullaev.
Yordamchi hakamlar: D.Saylavov va R.Nugmanov.
Bosh sahifaga
177
