Italiyada 26-turni "Yuventus" - "Torino" bahsi boshlab berdi. 13-daqiqada Matteys de Ligt hisobni ochgan bo'lsada, Belotti Turin derbisi durang bilan yakunlanishiga sabab bo'ldi. Etakchilarga deyarli etib olgan "Yuventus" yana qoqildi.
"Inter" - "Sassuolo"
Simone Indzagining tarkib bilan bog'liq muammolari yo'q emas. Diskvalifikaciya sabab Bastoni yana jamoasiga yordam bera olmaydi, sariq kartochkalar ko'payib ketgani uchun esa Brozovich o'yinni chetdan kuzatadi. Yarim himoya markazida Galyardinini ko'rishimiz ehtimoli yuqori, Bastonining o'rnini esa Dimarko egallaydi. Qolgan chiziqlarda "Liverpul"ga qarshi to'p tepganlarni ko'ramiz. "Sassuolo" markaziy himoyasida Ferrari bo'lmaydi, shu sababli Jeko hamda Lautaro bilan kurashga Kirikesh tashlanadi. Jamoa muxlislarini Raspadori va Skamakkaning kurashga tayyor ekanligi xursand qilishi aniq. Aynan shu ikki futbolchi va Berrardi milanliklar darvozasiga yo'l izlashadi.
Birinchi davra uchrashuvida "Inter" irodali g'alabani qo'lga kiritgan (2-1). Bukmekerlar esa "neradzurri"ni yaqqol favorit deb hisoblaydi, biroq fikrimizcha "Sassuolo"ni u qadar mensimaslik yaxshilikka olib kelmaydi. Jamoa etakchilarga qarshi qanday harakat qilishni yaxshi biladi. "Inter"ni oson bellashuv kutib turmagani aniq.
"Roma" - "Verona"
Rimliklar jiddiy muammolarga duch kelgani haqida xabar bergandik. Himoya chizig'ida Vina, Smolling va Kumbullani ko'rsak ajab emas, yarim himoyada esa Kristante, Veretu, Pellegrini va Oliveyru harakat qilishadi. Hujumda Abraxamning maydonga tushishini aytishimiz mumkin, lekin unga kimlar yordam beradi hozircha nomalum. Igor Tudorda tarkib bilan bog'liq muammolar kamroq. Frabotta hamon lazaretda, ammo Lazovich safga qaytdi. Hujumda esa odatdagidek Kaprari-Simenone juftligini ko'ramiz.
Ushbu raqiblarning oxirgi to'qnashuvi dramatik tarzda yakun topgan. "Verona" 3-2 hisobida zafar quchgan. SHunday bo'lsada, bukmekerlar bu safar Rim jamoasi imkoniyatlarini yuqoriroq baholashmoqda. So'nggi vaqtlarda "Roma"ning ishlari yurishmay qolgandek, bu esa jamoani agressivroq harakat qilishga va muhim g'alabani qo'lga kiritishga undaydi. Biroq "Verona" ham har qanday vaziyatda uch ochkoni sovg'a qiladiganlardan emas.
"Kalyari" - "Napoli"
SHubhasiz, "Napoli"ning sobiq bosh murabbiyi Valter Maccari uchun bu o'ta muhim bellashuv. "Kalyari" oxirgi vaqtlardagi o'yinlari bilan muxlislarini xursand qila olmoqda. Bunga bir tomondan tarkibning stabillashuvi ham yordam bergani turgan gap. Qiziq, Maccari hujumkor tarkibni jangga tashlashdan qo'rqmasmikin? "Napoli" esa "Barselona" bilan durangdan so'ng jismonan yaxshi holatda bo'lmasligi mumkin. O'z navbatida Spalletti Ispaniyada ter to'kkanlarning aksariyatiga dam beradi. SHularni inobatga olib Elmas, Una va Mertensni maydonda ko'rsak ajab emas, Politano esa jarohat sabab sheriklariga yordam bera olmasligi aniq.
Jamoalarning oxirgi o'zaro uchrashuvida "Napoli" o'z maydonida oson g'alabani 2-0 qo'lga kiritgandi. Hozir ham, bellashuv Sardinida bo'lishiga qaramay, neapolliklar favorit sifatida ko'rilmoqda. "Kalyari" mag'lubiyatsiz seriyasini davom ettirishi uchun astoydil mehnat qilishiga to'g'ri keladi.
Bosh sahifaga
80
