Malumki, bu yilgi o'yinlar 2 mart kuni start oladi. SHu kuni 2ta uchrashuv bo'lib o'tadi. PFL dastlabki turning boshlanish vaqtlarini malum qildi. Unga ko'ra, birinchi turning barcha uchrashuvlari 18:30da start oladi.
Coca-Cola Superliga. 1-tur
2 mart, chorshanba
18:30. NEFTCHI – QO'QON-1912 (Yaypan, "O'zbekiston" stadioni)
18:30. OLIMPIK – SURXON (Toshkent, "Paxtakor" stadioni)
3 mart, payshanba
18:30. NAVBAHOR – NASAF (Namangan, "Markaziy" stadion)
18:30. BUNYODKOR – SO'G'DIYONA (Toshkent, "Bunyodkor" stadioni)
18:30. DINAMO – PAXTAKOR (Samarqand, "Dinamo" stadioni)
4 mart, juma
18:30. QIZILQUM – LOKOMOTIV (Olmaliq, OKMK stadioni)
18:30. METALLURG – AGMK (Bekobod, "Metallurg" stadioni)
Albatta, ko'pchilik yangi mavsumni intiqlik bilan kutyapti. SHunday bo'lsa-da, o'quvchilarimiz fikrini bilish maqsadida Telegram kanalimizga so'rovnoma qo'ydik. Yani, "Superliga 1-turida qaysi o'yinni ko'rgani stadionga borasiz?" degan manoda.
O'tgan vaqt davomida 21 mingdan ziyod muxlis yuqoridagi savolga javob sifatida o'z variantini belgilagan. Eng ko'p ovozni 48 foiz bilan "Navbahor" - "Nasaf" uchrashuvi oldi. Ko'rinib turibdiki, ko'pchilik shu o'yinni sabrsizlik bilan kutmoqda.
21 foiz ishtirokchi "Stadionga borishga vaqtim bo'lmasa kerak" degan variantda to'xtalgan. Bu qolgan o'yinlarga nisbatan ko'proq foiz degani. Ehtimol, 1-tur chorshanba-payshanba-juma kunlariga qo'yilgani bois ko'pchilik ishda (o'qishda) bo'lar, shu bois vaqt bo'lmasligi mumkin.
"Bunyodkor" - "So'g'diyona"ga borishni xohlovchilar 10 foizni tashkil etgan bo'lsa, so'rovnomada qatnashganlarning 9 foizi "Neftchi" - "Qo'qon-1912" bahsini ko'rish uchun stadionga borishni maqul ko'rgan.
Bu borada "Dinamo" - "Paxtakor" 6 foiz ovoz to'pladi, "Olimpik" - "Surxon" 3 foiz, "Qizilqum" - "Lokomotiv" esa 2 foiz ovoz to'pladi. Eng qizig'i, Toshkent viloyati derbisi "Metallurg" - AGMK uchrashuvini stadionda ko'rishni atigi 1 foiz muxlis maqul deb bilgan.
Bosh sahifaga
208
