U o'z intervyusi davomida yangi jamoaga moslashuvi, Qurbon Berdiev bilan ishlash va yangi mavsumda o'z oldiga qo'ygan maqsadi haqida gapirdi.
- Salom Jasur! Sen yaqinda "Qayrat" azosiga aylanding. Jamoa seni qanday kutib oldi? Ko'nikishga kimlar yordam bermoqda? Sen jamoada ko'proq kim bilan muloqot qilasan?
- Salom. Jamoa meni juda iliq kutib oldi, bundan judayam minnatdorman. Bunday tarzda iliq kutib olinishimni kutmagandim. Dastlabki kunlarda menga Erkebulan Seydaxmet yordam berdi, ammo hozirga kelib jamoaning barcha azolari bilan yaxshi munosabatlar o'rnatib oldim.
- Qaysi jamoadoshing mashg'ulotlar vaqtida seni ko'proq hayron qoldirdi?
- Kimnidir alohida ko'rsatish qiyin. Butun jamoa yuqori darajada ishlamoqda va yangi mavsumga jiddiy hozirlik ko'ryapti. Agar kimnidir alohida ko'rsatish kerak bo'lsa, Maki va Yacekni aytgan bo'lardim.
- Qurbon Berdiev qo'l ostida ishlash qanday bo'lyapti?
- Qurbon Bekievichdek murabbiy qo'l ostida ishlash men uchun sharaf. Faoliyati davomida bunday mutaxassis bilan ishlash har qanday futbolchiga ham nasib qilavermaydi. Klubga kelgan kunimdan boshlab har kuni o'zim uchun nimalarnidir kashf qilmoqdaman. Oldinda turgan mavsum men uchun juda foydali bo'ladi.
- "Qayrat" oldida doimo bitta vazifa turadi - har doim g'alaba qozonish. Ushbu mavsumda o'z oldinga qandaydir individual maqsadlar qo'ydingmi?
- "Qayrat" darajasidagi jamoa doimo o'z oldiga qanday vazifalarni qo'yishini har doim bilganman. Men oldimga individual maqsadlar qo'ymayman. Jamoaning maqsadlari - mening individual maqsadlarimdir!
Bosh sahifaga
189
