Bosh murabbiyga Husayn Norchaev va Marko Stanoevich hamrohlik qilishdi.
Avvalo Superkubok uchrashuvini mana shu stadionda o'tkazishayotgani uchun rahmat aytaman. "Turon" klubi vakillariga stadionni tayyor qilishgani uchun minnatdorchilik bildiraman. "Paxtakor"ga qarshi o'yinlar doim qiziqarli kechgan. Ertaga biz amaldagi mamlakat chempioniga qarshi o'ynaymiz. Ammo bu jamoaga qarshi yaxshi o'ynay olishimizni isbotlab qo'ydik. Ertaga kim o'yinga yaxshi tayyor bo'lsa o'sha jamoa g'olib bo'ladi. "Nasaf" uchrashuvga to'liq tayyor", - deydi Ro'ziqul Berdiev.
"O'tgan mavsumni "Paxtakor"ga qarshi o'yin bilan tugatgandik, bu mavsumni shu jamoaga qarshi o'yin bilan boshlaymiz. Ertangi bahsga yaxshi tayyorlandik", - dedi Marko Stanoevich.
"Ertangi bahsga yaxshi tayyorlandik. "Paxtakor" bilan o'yinga tayyormiz, muxlislarni xursand qilishga harakat qilamiz", - dedi Husayn Norchaev.
- Transferlardan ko'nglingiz to'ldimi?
- Bugun kechgacha bir hujumchi bilan kelishuvga erishishimiz mumkin. Hozircha uning nomi sir.
- Bobir Abdixoliqov jamoaga qaytishi mumkinmi?
- Bobir Abdixoliqov hozir "Nasaf"ga qaytmasligi aniq.
- "Paxtakor"ga o'zbek futbolini u qadar yaxshi bilmaydigan murabbiy keldi. Ertaga "Nasaf" bundan foydalana oladimi?
- "Paxtakor"ga yangi xorijlik murabbiy keldi. U haqda faqat ijobiy fikrlar eshitdik. Raqibimizning bir ikkita o'yinini ko'rdik, yangi murabbiy jamoa uslubini o'zgartirmagan. Faqat yangi futbolchilar orqali jamoani kuchaytirishgan. Sxemada hech qanday o'zgarish ko'rmadim. Murabbiy tajribasiga hech qanday shubha yo'q.
- Oybek Bozorovning ertaga o'ynamasligi jamoaga qanchalik tasir qiladi?
- Albatta bu yo'qotish, ammo futbol jamoaviy o'yin. Uning o'rnini bosa oladigan futbolchilar bor.
- Jismoniy tomonlama ikkala jamoa ham hali to'liq tayyor emasligi aniq, ruhiy tomonlama jamoa ertangi bahsga tayyormi?
- Albatta to'g'ri aytdingiz, jamoalar hozircha jismoniy tayyor emas. Ruhiy tomonlama barchasi joyida bo'ladi deb o'ylayman.
- So'nggi yillarda "Paxtakor" va "Nasaf" o'rtasidagi o'yinlar o'ziga xos "El Klasiko"ga aylanib bormoqda...
- Ertaga ham shou davom etadi. Ikkala klubning olib borayotgan siyosati. "Paxtakor" oldingi yillarda muxlislar mehrini qozonayotgan jamoa, "Nasaf" ham so'nggi yillarda muxlislar mehrini qozonmoqda. Principial o'yinlar ko'p bo'lsa bundan faqat futbolimiz yutadi.
- So'nggi paytlarda sizga xorij klublaridan qiziqish borligi haqida xabarlar chiqdi. Legioner bo'lishga tayyormisiz?
Husayn Norchaev: - Hozircha bu haqda gapirishning mavridi emas deb o'ylayman. "Nasaf" bilan amaldagi 3 yillik shartnomam bor. Uyog'ini rahbariyat bilan gaplashib ko'ramiz.
- Dragan CHeran bilan qalin do'stsiz, nima deb o'ylaysiz. Kelajakda bir jamoada o'ynashingiz mumkinmi?
Marko Stanoevich: - Bunga qadar birga o'ynaganmiz, balki kelajakda yana birga o'ynarmiz.
Ro'ziqul Berdiev: - Bu yil aslida CHeran bo'yicha ish olib bordik, ammo moliyaviy holatimiz bunga yo'l qo'ymasa kerak. Stanoevich va CHeran Serbiya faxriylar jamoasida birga o'ynashadi (kuladi).
Bosh sahifaga
74
