Unda mamlakatning amaldagi chempioni "Paxtakor" va kubok sohibi "Nasaf" to'qnash keladi. Mazkur bahs oldidan O'zbekiston futbolchilar uyushmasi rahbari, sobiq futbolchi Kamoliddin Murzoev va murabbiy Azamat Abduraimovning fikrlarini tingladik.
Kamoliddin Murzoev - Mavsumning birinchi o'yini bo'lgani uchun jamoalardan yorqin o'yin kutish biroz noto'g'ri bo'ladi. O'rtoqlik va rasmiy o'yinlarning shukuhi boshqacha. Fikrimcha, jamoalar bir-birlariga ehtiyotkorlik bilan yondoshishadi.
Bugun "Paxtakor"da CHeran ko'p narsani hal qilishi mumkin. Yani katta sahnaga chiqadi. "Nasaf"da esa baribir jamoaviy o'yin shakllangan. Yaqqol biror bir futbolchini ko'rsatish qiyin bo'lsada, Marko Stanoevich "Paxtakor"ga bosh og'riq bo'la oladi. Bu finalligini unutmasligimiz lozim. Imkoniyatlar 50/50.
Albatta Oybek Bozorov katta yo'qotish. Biroq Ro'ziqul Berdiev bunday pallada qanday yo'l tutishni biladigan murabbiy.
Azamat Abduraimov - O'zbekiston Superkubogi katta futbolni sog'inganlar uchun haqiqiy bayram hisoblanadi. Mamlakatimizda futbol bahori nafasi kezib yuribdi. SHu bois o'zim ham bu bellashuvni intiqlik bilan kutmoqdaman. Bugun oddiy jamoalar emas, O'zbekistonning oxirgi yillardagi eng yaxshi klublari to'qnashadi. To'g'ri "Nasaf"da moliyaviy muammolar kuzatilayotganiga qaramay mavsumni sovrin bilan tugatmoqda. Mutaxassis sifatida Superkubogdan sifatli o'yin kutyapman.
Jamoalarning imkoniyatini teng baholagan bo'lardim. "Nasaf" o'tgan yili bu jamoaga qarshi nimalarga qodirligini ko'rsatdi. "Paxtakor"da yangi murabbiylar shtabi ish boshladi. Slavche Voyneskining qanday uslub va falsafaga egaligini bilmaymiz. SHunday ekan ko'pchilik uchun bu qiziq tuyuladi.
Mavsum boshi. Bunday holatda jamoalarning qanday tayyorgarlik bilan etib kelgani asosiy o'ringa chiqadi, deb o'ylayman. Taktik ishlanmalarni yo'lga qo'yish uchun vaqt zarur. Ishonch bilan aytamanki, futbolchilar katta ishtiyoq bilan harakat qilishadi.
Bosh sahifaga
176
