O'yindan oldin ushbu to'qnashuv haqidagi malumotlarni taqdim etamiz.
O'zaro o'yinlar
Ushbu jamoalar O'zbekiston chempionatlarida shu kunga qadar 28 bora to'qnash kelishgan. “Neftchi” 19 ta o'yinda g'olib bo'lgan, 3 marta durang qayd etilgan. “Qo'qon-1912” bu raqibni olti marta mag'lub etgan. To'plar nisbati “Neftchi” tomonida – 69:36. O'zaro o'yinlarda “Neftchi” 60 ochkoga ega bo'lgan bo'lsa, “Qo'qon-1912” 21 ochkoni qo'lga kiritgan.
"Neftchi" mezbon bo'lgan so'nggi beshta uchrashuv:
29.11.2018 Neftchi - Qo'qon 1912 - 0:2
17.08.2018 Neftchi - Qo'qon 1912 - 1:0
31.03.2017 Neftchi - Qo'qon 1912 - 1:2
10.06.2016 Neftchi - Qo'qon 1912 - 2:1
30.10.2015 Neftchi - Qo'qon 1912 - 0:1
Yangi futbolchilar
Ikkala jamoa ham qishki transfer oynasi vaqtida bir qator yangi ijrochilarni o'z saflariga qo'shib olishdi.
"Neftchi": Husniddin G'ofurov, Marko Sarich, Lutfulla To'raev, Mirzohid G'ofurov, Muhsin Ubaydullaev, Sunnatilla Abdullajonov, Daniel Stoykovich, Doniyor Valiev, Rahmonjon Ro'ziev, Sirojiddin Qo'ziev, SHahzod Ubaydullaev, Abrorbek Ismoilov, Doniyor Narzullaev.
"Qo'qon-1912": Bilolxon Toshmirzaev, Nodir Ashurmatov, Dilshod Rahmatullaev, Jamshid Hasanov, Sanat SHixov, Quvondiq Ro'ziev, SHahzodbek Nurmatov, Diyor Jaloliddinov, Rasul Abdurahmonov, Jamshid Saidvaqqosov, Aziz Erkinov, Murod Komilov, Jamshid Bekdurdiev, Abdulla Yunusov.
Stadion
Uchrashuv Farg'onadagi stadion tamirlanayotgani bois Yaypandagi "O'zbekiston" stadionida bo'lib o'tadi. Yaqindagi aynan shu stadionda O'zbekiston Superkubogi uchun o'yin bo'lib o'tgan edi. Bahs soat 18:30da boshlanadi.
Hakamlar
O'yinni Ahrol Risqullaev boshchiligidagi hakamlar brigadasi boshqarib boradi. O'tgan mavsum ushbu hakam "Qo'qon-1912" ishtirokidagi bitta o'yinda ishlagan. O'sha bahsda qo'qonliklar o'z maydonida "Navbahor"ga mag'lub bo'lishgan. Risqullaev 2021 yilda "Neftchi" ishtirokidagi o'yinda bosh hakam bo'lmagan.
Coca-Cola Superliga. 1-tur
"Neftchi" – "Qo'qon-1912"
2 mart 2022 yil. Yaypan. "O'zbekiston" stadioni. 18:30
Hakamlar: Ahrol Risqullaev, Sanjar SHoyusupov, Aleksandr Sidorov, Lochinbek Dolimov
Nazoratchi: Temur Abdullaev
VAR hakami: Ilgiz Tantashev
VAR assistent: Maksim Nexochin
Komissar: SHerzod Rajabov.
 Neftchi | Superliga. 1-tur 02/03/2022, 18:30 - : - Boshlanmadi |  Qo’qon-1912 |
Bosh sahifaga
221