Bizga malum bo'lishicha, yangi mavsum boshlanishiga bir necha kun qolgan bo'lishiga qaramay jamoaning bir qator xodimlari klub bilan shartnomalarni uzaytirishmagan. Klubning yangi rahbariyati garchi klub moliyaviy jihatdan yaxshi homiyga ega bo'lgan bo'lishiga qaramay, xodimlarga o'tgan yilgidan ham kamroq maosh taklif etgan. Bu esa ko'pchilik xodimlarning noroziligiga sabab bo'lgan va ular jamoa bilan shartnoma tuzishdan bosh tortishgan.
Jamoaga yangidan qo'shilgan legioner futbolchilar va murabbiylar shtabi yaxshigina mablag' evaziga klub sharafini himoya qilishga bel bog'lagani barchaga malum. Ammo bir necha yillardan buyon klubda faoliyat yurtib kelayotgan mutaxassislarga yangi rahbariyat nima sababdan bu taxlit shartnoma taklif qilayotgani biroz tushunarsiz bo'lib qolmoqda.
Eslatib o'tamiz, “Qizilqum” Superliganing ilk turini ikki kundan so'ng - 4 mart kuni “Lokomotiv”ga qarshi o'tkazadi.
 Qizilqum | Superliga. 1-tur 04/03/2022, 18:30 - : - Boshlanmadi |  Lokomotiv |
Bosh sahifaga
132
