O'yindan oldin ushbu to'qnashuv haqidagi malumotlarni taqdim etamiz.
O'zaro o'yinlar
SHu kungacha "Navbahor" va "Nasaf" klublari 50 marta to'qnash kelishgan. 22 ta o'yinda qarshiliklar zafar quchishgan, 13 marta namanganliklar g'olib bo'lishgan. Qolgan 15 ta bahsda durang kuzatilgan. O'zaro o'yinlarda "ajdarlar" 79ta, "lochinlar" 66ta gol urishgan.
"Nasaf" chempionat doirasida 2013 yildan buyon safarda "Navbahor"ni mag'lub eta olmay kelmoqda.
"Navbahor" mezbon bo'lgan so'nggi besh uchrashuv:
19.03.2021 "Navbahor" - "Nasaf" 0:0
26.09.2020 "Navbahor" - "Nasaf" 0:0
31.10.2019 "Navbahor" - "Nasaf" 1:1
07.04.2018 "Navbahor" - "Nasaf" 0:0
25.11.2017 "Navbahor" - "Nasaf" 1:0
Yangi futbolchilar
Ikkala jamoa ham qishki transfer oynasi vaqtida bir qator yangi ijrochilarni o'z saflariga qo'shib olishdi.
"Navbahor": Islom Kenjaboev, Nurillo To'xtasinov, Stanislav Andreev, Andrey Sidorov, Jamshid Boltaboev, Elguja Grigalashvili, Egor Krimec, Asadbek Sobirjonov, Jamshid Iskanderov, Zoran Marushich, Yovan Jokich, Rustam Ashurmatov.
"Nasaf": Ivan Solovyov, SHarof Muhitdinov, Semir Smaylagich, Akmal Sodiqov, SHamshod Subxonov.
Stadion
"Navbahor" – "Nasaf" uchrashuvi 3 mart kuni Namangandagi "Markaziy" stadionda soat 18:30 da boshlanadi.
Hakamlar
Uchrashuvni Ilgiz Tantashev boshchiligidagi hakamlar boshqarib borishadi. O'tgan mavsum ushbu hakam "Navbahor" ishtirokidagi ikkita o'yinda ishlagan va ularda "lochinlar" mag'lub bo'lishmagan va gol o'tkazishmagan: "Metallurg" mag'lub etilgan - 1:0, AGMK bilan durang kuzatilgan - 0:0.
Tantashev o'tgan yil "Nasaf"ning "Paxtakor"ga qarshi bahsini boshqargan. O'shanda "ajdarlar" o'z maydonida 2:3 hisobida yutqazishgan.
"Navbahor" – "Nasaf"
3 mart 2022 yil. Namangan. "Markaziy" stadion. 18:30
Hakamlar: Ilgiz Tantashev, Andrey Capenko, Timur Gaynullin, Abdurashid Xudoyberganov
Nazoratchi: Aleksandr Popov
VAR hakami: Ahrol Risqullaev
VAR assistent: Ziyodulla Abdurahmonov
Komissar: Bekzod Aripov.
 Navbahor | Superliga. 1-tur 03/03/2022, 18:30 - : - Boshlanmadi |  Nasaf |
Bosh sahifaga
173
