Unda "Neftchi" 89-daqiqada SHahzod Ubaydullaevning penaltidan urgan goli evaziga g'alabaga erishdi. Ushbu penaltini farg'onaliklar legioneri Aleksandr Eshich ishlagandi. Biz Eshich bilan bog'lanib, o'yin haqidagi fikrlari bilan qiziqdik.
- Mavsumning ilk uchrashuvi haqida nima deya olasiz?
- Juda qiyin o'yin ortda qoldi. Har doim birinchi o'yin og'ir bo'ladi. Biz butun bahs davomida o'z o'yinimizni ko'rsatishga va raqibga maksimal tarzda bosim qilishga urindik. Yaratilgan ko'p vaziyatlardan foydalana olmadik, ammo uchrashuv oxirida bizga omad kulib boqdi.
- Penalti belgilangan vaziyat haqida gapirib bering...
- Penalti bo'lgan vaziyatda kontakt bo'lgandi, agar hakam VAR'ni ko'rsa bunga ishonch hosil qilishini bilardim. Yakunda shunday ham bo'ldi. "Qo'qon-1912"ga ajoyib o'yin uchun rahmat aytaman. Bizning jamoaga esa g'alaba muborak bo'lsin, endi keyingi bahsga tayyorgarlikni boshlaymiz. Oldinga harakat qilishda davom etamiz.
Saidabzal suhbatlashdi
Bosh sahifaga
370