SHiddatli va murosasiz kechgan uchrashuvga shu kuni faqat gol etishmadi, xolos. "Bunyodkor" futbolchisi Rasul Yo'ldoshev saytimiz muxbiri bilan suhbatda ushbu jihatga to'xtaldi va o'yin borasidagi fikrlarini bildirdi.
- "So'g'diyona" bilan o'yinlar doim qiyin kechgan. Buni so'nggi yillardagi natijalar ham aytib turibdi. Raqib jismonan kuchli hisoblanadi. SHunga yarasha tayyorgarlik ko'rgandik. Ha, qishki yig'inlarda harakatlarimiz qovushmagan bo'lishi mumkin. CHunki tayyorgarlik paytida turlicha tarkiblar sinovdan o'tkaziladi. Bundan tashqari, o'yinlardan oldin yuklamalar beriladi. Bizga Turkiya yig'ini katta yordam berdi, deb o'ylayman. "Zarya", "Volgar" kabi kuchli jamoalar bilan tengma-teng o'ynadik. Garchi natija o'xshamagan bo'lsada, o'zimizga ishonchimiz ortdi.
Uchrashuvdan oldin Jizzax jamoasining favorit ekanligi haqidagi gaplarga etibor bermadik. Ular o'tgan mavsum ikkinchi o'rinni egallashgani uchun shunday deyilgan bo'lsa kerak. Biz g'alabaga loyiq edik. Ko'p vaziyatlar yaratdik. Menimcha gol urishimizga haddan tashqari ishtiyoq to'sqinlik qildi. Murabbiyimiz sovuqqonlik bilan harakat qilishimizni takidladilar. Bir kun oldin klubimiz prezidenti Mehriddin Razzoqovich Abdullaev jamoamiz bilan uchrashdilar. Yosh jamoa bo'lishimizga qaramasdan ishonishlarini, har bir uchrashuvda chiroyli futbol ko'rsatishimizni aytdilar. Bu katta motivaciya berdi. Albatta bundan ham yaxshiroq o'ynashimiz kerak. Jamoaviy o'yinimizni yanada shakllantirib kuchli bo'lib maydonga chiqishimizga aminman.
Bosh sahifaga
73
